تورکیه نینگ مطبوعات خلاصه لری

خبرتورک گزیته سی: "چاووش اوغلی ارمنستان بیلن نورماللشوو توغریسیده بیانات بیردی"  سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی توناون کونی بیرگن بیاناتده "آذربایجان بیلن ارمنستان اورته سیده گی نورماللشوونی کوتماقده میز. منطقه ده دایمی بیر تینچلیک که احتیاجیمیز بار" دیدی.

ستار گزیته سی: " تورکیه دن اوکراین بوییچه بیانات " سرلوحه سی بیلن خبر بیردی.

خبرگه کوره مدافعه وزیرلیگی ، تورکیه بیلن اوکراین نینگ عسکری هیئاتلری نینگ 4 جولای توناون کونی پایتخت انقره ده بیر جلسه اوتکزگن لیگی بیلدیردی. خوددی شو جلسه ده اوزارا، منطقوی و خوفسیزلیک موضوعلری بوییچه فکر المه شووی عملگه آشیریلگن لیگی معلوم قیلیندی.

وطن گزیته سی: "ایچکی ایشلر وزیرلیگی اورینباسری چتاقلی: جون آییده 142 ته تروریست جنگری تاثیرسیز وضعیت گه کیلتیریلدی " سرلوحه سی بیلن خبر بیردی.

خبرگه کوره ایچکی ایشلر وزیرلیگی اورینباسری و سوزچیسی اسماعیل چتاقلی ترور تشکیلاتلریگه قره ته جون آییده اویوشتیریلگن عملیاتلرده 142 ته تروریست جنگری نینگ تاثیرسیز وضعیت گه کیلتیریلگن لیگینی بیلدیردی.

صباح گزیته سی: " قاره اسماعیل اوغلی: تورکیه نینگ ترانسپورت و علاقه زیربناسینی کوچه یتیرماقده میز"  سرلوحه سی بیلن خبر بیردی.

خبرگه کوره ترانسپورت و زیربنا وزیری عادل قاره اسماعیل اوغلی سونگگی 20 ییلده تورکیه نینگ ترانسپورت و علاقه آست قوریشی گه 183 میلیارد دالر سرمایه کیریتگن لیکلرینی معلوم قیلیب "شونده ی بولیب ملی عایدگه 520 میلیارد دالر و تولیدگه 1 تریلیون 79 میلیارد دالر حصه قوشدیک" دیدی.

یینی شفق گزیته سی: " نفیعه قوش آلتین میدال قولگه کیریتدی" سرلوحه سی بیلن خبر بیردی.

خبرگه کوره ملی تیکواندوچی نفیعه قوش الجزایرده اویوشتیریلگن اورته ییر دینگیزی بیلله شوولری خاتین – قیزلر +60 کیلوده آلتین میدال قولگه کیریتدی.