تورکیه نینگ مطبوعات خلاصه لری

صباح گزیته سی: " ایردوغان بیلن بایدن اوچره شدی " سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان توناون کونی اسپانیانینگ پایتختی مادریدده گی ناتو دولت و حکومت رهبرلری جلسه سیده امریکا قوشمه ایالتلری دولت باشلیغی جوبایدن بیلن اوچره شدی. ایردوغان اوچره شوو آلدی بیرگن بیاناتده "ناتونینگ کوچه ییشی بیلن تیگیشلی آتیله دیگن آدیملر، اینیقسه روسیه – اوکراین «تینچلیک» جریانی گه مهم حصه قوشه دی" دیدی. ایردوغان عیندمده حبوبات کوریدوری بیلن تیگیشلی "موازنت سیاستی جریان گه ییچیم تاپیش اورونیشیده میز" دیب ایتدی. 

حریت گزیته سی: "مادریدده گی ناتو جلسه سی: 2 اولکه گه ناتو دعوتی... تورکیه گه منتدارچیلیک " سرلوحه سی بیلن خبر بیردی.

خبرگه کوره اسپانسانینگ پایتختی مادریدده اویوشتیریلگن 32 – ناتو جلسه سی نینگ آرتیدن یایینلنگن ناتو اعلامیه سیده "بوگون فینلند و سویدن نی ناتوگه اعضا بولیش گه چقیریش گه و قتنشیش بیتیملریگه قول قوییش گه قرار بیردیک" دییلدی. ناتو باش کاتبی ینس ستولتنبرگ جلسه نینگ آرتیدن بیرگن بیاناتده تورکیه گه منتدارچیلیک بیلدیردی و "بو کیلیشوو تورکیه اوچون هم سویدن و فینلند اوچون هم یخشی بیر کیلیشوودیر" دیب ایتدی.  

ستار گزیته سی: " تورکیه نینگ موفقیتی دنیانینگ کون ترتیبیده"  سرلوحه سی بیلن خبر بیردی.

خبرگه کوره تورکیه قاطعلیگیدن واز کیچمه دی. مادریدده فینلند و سویدن بیلن قول قویگن اوچ تامانلیک بیتیمده انیق یوتوقلر قولگه کیریتدی. کیلیشوو دنیا مطبوعاتیده اورین آلدی. دنیا مطبوعاتی تورکیه نینگ خواهله گن نرسه سینی قولگه کیریتگن لیگینی یازدی. دی ایکونومیست مجله سی تورکیه نینگ فینلند و سویدن نینگ ناتوگه اعضالیگی گه قرشی توسیق نی کوتریب تشله گن لیگینی ایتدی. رجب طیب ایردوغان اویی گه یوتوق بیلن قیتیب بارماقده" دیب ایتدی.    

وطن گزیته سی: " ناتودن تورکیه گه مهم وظیفه"  سرلوحه سی بیلن خبر بیردی.

خبرگه کوره ناتو تورکیه گه بیر ییلگچه دوام ایته دیگن مهم بیر وظیفه تاپشیردی. ناتونینگ ماین اوروشی بیلن تیگیشلی دینگیز عملیات و تعلیم فعالیتلریدن مسؤل ناتو دایمی ماین گه قرشی چاره – تدبیرلری دینگیز گروهی – 2 نینگ قومنده سی بیر ییلگچه تورکیه گه تاپشیریلدی. 

یینی شفق گزیته سی: " استانبول توریست بوییچه می آییده ریکارد اورنه تدی " سرلوحه سی بیلن خبر بیردی.

خبرگه کوره استانبول می آییده 1 میلیون 402 مینگ 366 ته چیت ایللیک سیاح گه میزبانلیک قیلیب سونگگی 33 آی نینگ اینگ کوپ توریستی گه میزبانلیک قیلدی.