تورکیه نینگ مطبوعات خلاصه لری

وطن گزیته سی: " 19 می اولکه مقیاسیده طنطنه لی روشده نشانلندی سرلوحه سی بیلن خبر بیردی.

خبرگه کوره غازی مصطفی کمال آتاتورک نینگ استقلال شعله سینی یاقیش اوچون بندیرمه کیمه سی آرقه لی سمسون گه ایایق باسیشی 1919 – ییل 19 می نینگ 103 – ییل لیگیده تورکیه نینگ هر تامانی قیزل آق رنگ گه کیردی. پاندیمی نینگ آرتیدن میدانلر تولیب تاشدی و انقره ده گی نشانلش جایی آتاتورک نی قبری بولدی.  

ستار گزیته سی: "ایردوغان ایردوغاندن پیام انیق: پی کاکا/وای پی جی نی قوللب – قوتله گنلرگه "هه" دیمه یمیز"  سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان سویدن و فینلند نینگ ناتوگه اعضا بولیشی نینگ تورکیه تامانیدن رد ایتیلیشی بیلن تیگیشلی " پی کاکا/وای پی جی نی قوللب – قوتله گنلرگه "هه" دیمه یمیز. سویدن بیر تروریزم اویه سی دیر. بیر اولکه یوق دیگنده ناتوگه آلآلمه یدیلر" دیدی.

حریت گزیته سی: "تشقی ایشلر وزیری چاووش اوغلیدن همجهتلیک چقیریغی"  سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی روسیه بیلن اوکراین نینگ تولید و صادرات امکانیتلریده گی کمه ییش نینگ گلوبال آذیق – اوقات خوفسیزلیگی گه توغریدن توغری سلبی تاثیر قالدیره جگینی معلوم قیلیب "بو اوروش نینگ آچلیک بحرانینی تاباره یمانلشتیریب بارمسلیگی اوچون خلق ارا همکارلیک و همجهتلیک که احتیاج بار" دیدی.   

صباح گزیته سی: "تورکیه تشقی ایشلر وزیرلیگیدن یونان گه «پونتوس» بیلن تیگیشلی عکس العمل"  سرلوحه سی بیلن خبر بیردی.

خبرگه کوره تورکیه تشقی ایشلر وزیرلیگی تامانیدن بیریلگن بیاناتده "یونان رسمی مقاملری تامانیدن پستانه «پونتوس» ادعالری ییل لیگی بهانه سی بیلن آلیب باریلگن و تاریخ نی بوتونله ی اوزگرتیریش پستانه بیاناتلرنی بوتونله ی رد ایته میز" دییلدی.

خبرتورک گزیته سی: "تورتینچی بورغولش کیمه سی تورکیه گه کیلدی"  سرلوحه سی بیلن خبر بیردی.

خبرگه کوره تورکیه نینگ دینگیزلرده هایدرو کاربون قیدرووچی کیمه سی گه قتنشه دیگن تورتینچی بورغولش کیمه سی مرسین نینگ تاش اوچی بندریگه ییتیب کیلدی. انرژی و طبیعی منبعلر وزیری فاتح دونمز "تاش اوچی بندریده 2 آیلیک بیر تیارگرلیک جریانی نینگ آرتیدن کیمه میز ایلک بورغولش گه باشله یدی" دیب ایتدی.