تورکیه نینگ مطبوعات خلاصه لری

ستار گزیته سی: " تورکیه بیلن الجزایر اورته سیده 15 ته کیلیشووگه قول قوییلدی سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان و پایتخت انقره گه رسمی شفر ارقه لی تشریف بیورگن الجزایر جمهور باشلیغی عبدالمجید تبون نینگ قاشیده تورکیه – الجزایر اورته سیده گی مناسبتلرنینگ کوچه یتیرووچی کانچیلیک، اطرافنی سقلش، تعلیم، مدنیت و مدافعه صنایعی ساحه لریده 15 ته کیلیشووگه قول قوییلدی.

خبر تورک گزیته سی: ایردوغان فینلند و سویدن نینگ ناتو اعضالیگی گه اولیملی قره مه یمیز"  سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان فینلند و سویدن نینگ ناتوگه اعضالیگی توغریسیده بیرگن بیاناتده "فینلند و سویدن نینگ تروریزم گه قرشی یانداشووی انیق بولمه گن لیگینی معلوم قیلیب عیندمده بیزگه چیکلاو عملی قیلگنلرگه "هه دیمه یمیز" دیب ایتدی. 

حریت گزیته سی: "ستولتنبرگ تورکیه نینگ خوفسیزلیک خواطرلری برطرف ایتیلیشی کیره ک"  سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی بیلن ناتو باش کاتبی ینس ستولتنبرگ تیلفون آرقه لی سوزلشدی. سوزلشوونینگ آرتیدن بیانات بیرگن ستولتنبرگ "تورکیه مهم بیر متفق دیر و قنده ی بیر خوفسیزلیک خواطری بولسه برطرف ایتیلیشی کیره ک" دیب ایتدی.

یینی شفق گزیته سی: "سویدن تروریزم نی قوللب – قوتلش گه دوام ایتماقده"  سرلوحه سی بیلن خبر بیردی.

خبرگه کوره تورکیه ناتو اعضالیگی گه اولیملی قره مه گن سویده بولووچی ترور تشکیلاتی پی کاکاگه همکارلیک نمایشلری دوام ایتماقده. پایتخت ستکهلم نینگ تنیقلی جاده سی بولمیش کونگسگاتانده توناون کونی پی کاکانینگ لته سی آسیلدی. پولیس نینگ نمایش گه مداخله قیلمه گن لیگی کوریلدی.   

صباح گزیته سی: "اناطولی جیت میلان برگامو گه سفرلرگه باشله دی"  سرلوحه سی بیلن خبر بیردی.

خبرگه کوره تورک هوا یول شرکتی نینگ آست مارکی بولمیش اناطولی جیت استانبول صبیحه گوکچن قونلغه سیدن ایتالیانینگ میلان برگامو قونلغه سیگه اوچیشلرگه باشله دی. اوچیشلر هفته ده 7 کون بوله دی.