تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن گزیته سی: "جمهور باشلیغی ایردوغان: تورکواک بیلن ایندی ایشانچلی میز " سرلوحه سی بیلن خبر بیردی.
جمهور باشلیغی رجب طیب ایردوغان کابینه جلسه سی نینگ آرتیدن بیرگن بیاناتده دنیانینگ کروناویروس کسل لیگی نینگ ینگی دالغه سی بیلن قیین وضعیت گه دوچ قالیش گه دوام ایتگن لیگینی معلوم قیلیب "ساغلیکنی سقلش تیزیمیمیز، کسلخانه و کوما اتاقی جهتیدن واکسین و کسل لیک که قرشی کوره شده تورلی احتیاجنی ییتکیزه دیگن ظرفیت گه ایگه. تورکواک واکسینیمیز بیلن ایندی بوندن ایشانچلی میز" دیب گپیردی.
یینی شفق گزیته سی: " جمهور باشلیغی ایردوغان اوکراین گه جونب کیته دی " سرلوحه سی بیلن خبر بیردی.
خبرگه کوره جمهور رئیسلیک سوزچیسی ابراهیم قلین "تورکیه، روسیه بیلن اوکراین اورته سیده گی بحران نی کمه یتیریش اوچون قیله دیگن تورلی همکارلیک و رول گه تیار دیر. بونی هم روسیه همده اوکراین گه دوست بیر اولکه صفتیده و عین دمده ناتو اعضاسی صفتیده قیله میز. کیلگوسی بیر نیچه هفته ایچیده جمهور باشلیغی ایردوغان جمهور باشلیغی زلنسکی بیلن اوچره شیش اوچون اوکراین گه باره دی" دیدی.
حریت گزیته سی: "شنتوپدن شرقی اورته ییر دینگیزی بیلن تیگیشلی بیانات" سرلوحه سی بیلن خبر بیردی.
تورکیه بویوک ملت مجلسی باشلیغی مصطفی شنتوپ شرقی اورته ییر دینگیزی پیپ لاینی (ایئاستمید) پروژه سی توغریسیده "بیز باشدن بیری بو پروژه نینگ بو شکلی بیلن تجاری ایمس ایکن لیگینی اویلردیک. فقط تورکیه گه دشمن بولیش نقطه سیدن حرکت قیلیب سیاسی مقصد بیلن بونقه بیر پروژه نینگ عملی بولمس لیگینی بیز باشدن بیری ایتردیک" دیدی.
ستار گزیته سی: "هالنددن تورکیه گه مقتاو" سرلوحه سی بیلن خبر بیردی.
خبرگه کوره تورکیه نینگ قوراللی هیداوچیسیز هوا واسطه سی (سیها) بیلن تیگیشلی هالند ncr گزیته سیده اورین آلگن تحلیلده بیراقدار ت ب 2 اوچون "دنیا مقیاسیده اینگ یخشی" دیب ایتیلدی. تحلیلده هالندلیک مدافعه متخصصی ستجین میتزرنینگ "بیراقدار ت ب 2 اوپراسیونل جهتدن "دنیا مقیاسیده اینگ یخشیسی" دیگن افاده لرگه اورین بیردی.
صباح گزیته سی: "دنیا فوتبال یولدوزلرینی آرتده قالدیردی سرلوحه سی بیلن خبر بیردی.
خبرگه کوره فوتبال وندرکیدس تامانیدن تیارلنگن رویخط گه کوره اروپا لیگلریده اینگ کوپ اسیست قیلگن فوتبالچیلری تثبیت ایتیلدی. تورکیه دن یونس آقگون رویخط گه کیردی و انچه یاش یولدوزنی آرتده قالدیردی.
