تورکیه نینگ مطبوعات خلاصه لری

تورکیه نینگ مطبوعات خلاصه لری   

حریت گزیته ‌سی: "جمهور باشلیغی ایردوغاندن فتو پیامی" سرلوحه سی بیلن خبر بیردی.

جمهور باشلیغی رجب طیب ایردوغان توناون کونی تیرانده آلبانیا باش وزیری ایدی راما بیلن کیلشوولرنینگ امضا مراسمیده و مشترک مطبوعاتی کنفرانسده بیانات بیردی. جمهور باشلیغی ایردوغان فتح الله چی ترور تشکیلاتی (فت) گه قرشی کوره ش توغریسیده آلبانیادن بوندن آرتیق کوتگن لیکلرینی معلوم قیلیب "قولی معصوملرنینگ قانی گه بولنگن بو ساختارنینگ نه فقط تورکیه موجودیتی بولگن اولکه لرگه هم تهدید ایجاد ایتگن لیگی انیق دیر. کیلگوسی باسقیچده آلبانیاده گی فتو ساختاریگه قرشی تیزراق و قرارلی آدیملر آتیلیشینی کوته میز" دیب ایتدی.    

 صباح گزیته ‌سی: " آلبانیا باش وزیری راما: ایردوغان ایتگنلرینی قیلگن بیر رهبردیر" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان توناون کونی آلبانیانینگ لاچ شهریده تورکیه تامانیدن قوریلگن ییر قیمیرلش اوی – جایلری نینگ تسلیم ایتیش مراسمی گه قتنشدی. مراسمده سوز یوروتگن آلبانیا باش وزیری ایدی راما اونگه هردایم ایردوغان بیلن دوستلیگی نینگ سوره لگن لیگینی معلوم قیلیب "جوابیم انیق: جمهعور باشلیغی ایردوغان ایتگنلرینی قیلگن و قیلگنلرینی ایتگن بیر رهبر دیر؛ ایشانینگ کی بوگونگی دنیاده و دیپلوماسیده (تشقی ایشلر وزیری) مولود (چاووش اوغلی) یخشی بیله دی، هه دیگنده هه بولگن یوق دیگنده یوق بولگن انسانلرنی تاپیش آسانمس" دیب ایتدی.

ستار گزیته سی: "قرارنامه گه قول قویدی: ایندی تورکیه دن کیلتیریله دی" سرلوحه سی بیلن خبر بیردی.

گرجستان بازاری تورکیه دن کیلتیریله دیگن داریلرگه آچیلدی. گرجستان باش وزیری ایراکلی گریباشفیلی تیگیشلی قرارنامه گه قول قویدی.  

خبر تورک گزیته ‌سی: "تورکیه نینگ قویاش انرژیسی کوچی 7 مینگ 816 میگاوات گه ییتدی" سرلوحه سی بیلن خبر بیردی.

خبرگه کوره تورکیه نینگ قویاش انرژیسی کوچی 8 ییلده 40 میگاواتدن 7 مینگ 816 میگاوات گه ییتدی. اوتگن ییل ترماققه 1 مینگ 149 میگاوات قویاش سنترالی کیریتیلدی.

وطن گزیته ‌سی: "انتالیاگه اوتگن ییل نینگ جنوری آییگه کوره 3 قوات توریست کیلدی سرلوحه سی بیلن خبر بیردی.

خبرگه کوره انتالیا تشقی اوچیشلر ترمینالی گه 1-16 جنوری تاریخلری آره سیده 808 اوچاق آرقه لی 78 مینگ 538 توریست کیلدی. 2021 ییلی نینگ خوددی شو باسقیچی گه کوره 3 قوات بولدی و روس بیلن آلمان توریستلر بیرینچی اورینده توردی.