تورکیه نینگ مطبوعات خلاصه لری

تورکیه نینگ مطبوعات خلاصه لری   

حریت گزیته ‌سی: "حرجیت قطار تولید قیلینه دی" سرلوحه سی بیلن خبر بیردی.

جمهور باشلیغی رجب طیب ایردوغان باشچیلیگیده جمهور رئیسلیک مجتمعیده بولیب اوتگن مدافعه صنایعی اجرا کمیته سی جلسه سیده تورک قوراللی کوچلری خوفسیزلیک کوچلری ایش الگن وطنی و ملی تیزیملریگه ینگی لرینی قوشیش موضوعلری تیلگه آلیندی. کیلگوسی ییل دستلبکی اوچوشی ریجه لنگن تعلیم و خفیف تعروض اوچاغی حرجیت اوچون بیرینچی مرحله قطار تولید قراری قبول قیلیب آلیندی.    

یینی شفق گزیته ‌سی: "تورکیه شرقی اورته ییر دینگیزیده توازن گه اوزگریش کیریتدی سرلوحه سی بیلن خبر بیردی.

یونان نینگ شرقی اورته ییر دینگیزیده انرژی منبعلری آرقه لی برقرارسیزلیک یراتیش اورونیشلری تورکیه نینگ قاطعلیک کورستیشی سبب بیرته بیرته پوچگه چیقماقده. امریکا قوشمه ایالتلری تورکیه اعتبار قره تمه گن ایست مید پایپ لایندن اوز یاردمینی آلیب تشله دی. فرانسیز توتال و امریکالیک ایکسون موبیل شرکتلری نینگ هم گیریت آرالی دینگیز ساحه سیده گی سیسمیک قیدیروو فعالیتلرینی توخته تیب قویگن لیگی یوزه گه چیقدی.  

وطن گزیته ‌سی: "ساغلیقنی سقلش وزیری کوجه تورکواک واکسینیدن ایشانچلی بیر شکلده ایش آلیشینگیز ممکن" سرلوحه سی بیلن خبر بیردی.

ساغلیقنی سقلش وزیری فخرالدین کوجه ینگی تور کروناویروس (کوید-19) گه قرشی ایشلب چیقریلگن و برچه فاز فعالیتلریدن بوتوقلی اوتیب فوق العاده ایش آلیش رخصی قولگه کیریتیلگن وطنی واکسین تورکواک نینگ قیاسلش ترماغی بولمیش چین نینگ سینواک واکسینی گه قره گنده انچه تاثیرلی ایکن لیگینی بیلدیردی. تورکواک نینگ دنیا ساغلیقنی سقلش تشکیلاتی نینگ هم شرطلرینی بجا کیلتیرگن لیگینی تاکییدله گن کوجه "تورکوت واکسینیمیزنی بی ملال ایش آلیش توغریسیده هیچ کیم نینگ شبهه سی بولمه سین" دیدی. 

 ستار گزیته ‌سی: " اوروش کیمه لریگه اوزگریش کیلتریش قرارینی قبول قیلیب آلگن مراکش تورکیه بیلن کیلیشیب آلدی" سرلوحه سی بیلن خبر بیردی.

خبرگه کوره مراکش مطبوعاتی مراکش شاهلیک دینگیز کوچلری نینگ 7 ته تیز هجومچی قَییغی و بیرته کورویت آلیش اوچون تورکیه بیلن کیلیشیب آلگن لیگینی یازدی. مذاکره لرنینگ 2021 ییلی اوکتبر آییده باشله گن لیگینی یازگن اولکه مطبوعاتی کیلیشوونینگ توپلم 222 میلیون دالر ایکن لیگینی بیلدیردی. تسلیماتلرنینگ 2022 ییلی نینگ ایککینچی یرمیده بولیشی نینگ ریجه لنگن لیگی تاکییدلنگن خبرلرده مراکش نینگ تیزده تورک حربی صنایعی اوچون اینگ کتته بازارلردن بیرته سی ایکن لیگی گه دقت قره تدی.  

صباح گزیته سی: "150 تورک هوا یوللری اروپاده ییتکچیلیگینی قولدن بیرمه دی" سرلوحه سی بیلن خبر بیردی.

کوید-19 کسل لیگی هوا یوللریگه سلبی تاثیر تشله گنده گلوبال شرکتلر 2021 ییلینی ضرر بیلن اوتکزدی. یاپیلیب قالگن هوا یوللری نینگ سانی کوپه یدی. دنیا مقیاسیده گی شرکتلر دولت یاردمی بیلن ایاق اوستیده توردی. کسل لیک پیتیده انچه هوا یولی اوچیشلرینی توخته تیب قویدی. تورک هوا یولی ایسه ینگی اوچیشلری نقطه لرینی آچیب اوسیش گه دوام ایتدی. اروپا مقیاسیده ییتکچیلیک نی قولدن بیرمه دی.