تورکیه مطبوعاتیدن خلاصه لر 11.01.2022

خبرتورک روزنامه سی, عدالت و رواجله نیش حزبی نینگ سوزچیسی عمر چلیک نینگ حزبی نینگ مرکز اجرائیه کینگشی ییغیلیشی آرتیدن بیرگن بیاناتیده قزاقستانده گی ینگیلیک لرنی بهالنتیررایکن, "وضعیت نی یقیندن کوزه تیب بارماقده میز.  قزاقستانده, تینچلیک و برقرارلیک نینگ اورنه تیلیب خوددی شوو اولکه نینگ توپراق بوتونلیگی اسره ب قالینه دیگن شکلده اوشبو کون لرنینگ اوتیب کیتیشی نی آرزو قیلماقده میز.  تورکیه هردایم قزاقستان نینگ یانیده بوله دی" دییه قید ایتگن لیگی نی بیلدیرماقده. 

وطن روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ, تلفن آرقه لی, امریکا قوشمه ایالتلری ملی خوفسیزلیک مشاوری جیک سالیوان بیلن سوزله شگن لیگی نی معلوم قیلماقده. 

خبرده, اوشبو صحبتده, سیاسی و اقتصادی مناسبت لر بیلن بیر قطارده مدافعه ساحه سی بوییچه همکارلیک نینگ کوچه یتیریلیشی, خلق ارا و منطقه مقیاسیده گی مسئله لرنینگ هم بهالنتیریلگن لیگی بیلدیریلماقده. 

ستار روزنامه سی, گرجستان باش وزیری ایراکلی گاریباشویلی نینگ, اولکه سی نینگ تورکیه دن ادویه ساتیب آلیش نی ریجه لیاتگن لیگی نی بیلدیرگن لیگی نی یازماقده. 

ینی شفق روزنامه سی, تورکیه نینگ نیغده ولایتی ده گی فابریکه ده ناتو استندرت لری گه اویغون بیر شکلده ایشلب چیقاریلگن سیار صحرا کسلخانه سی نینگ, عملیات خانه, عاجل, جدی مراقبت, رادیولوژی, لابراتوار و دواخانه کبی بولیم لر نینگ اورین آلگن 13 کانتینر دن تشکیل تاپگن لیگی نی معلوم قیلماقده. 

خبرده, اوشبو کسلخانه نینگ 30 دقیقه گه یقین بیر مدتده قوریلیشی نینگ ممکن ایکن لیگی گه دقت قره تیلماقده. 

حریت روزنامه سی, اوروپا نینگ اینگ مهم اورتاق تعطیل انترنت سایتی دن عبارت HolidayCheck تامانیدن بیریلگن معلوماتگه کوره, آلمان ده هر بیش کیشی دن بیر کیشی نینگ تعطیل اوچون تورکیه نی ترجیح ایتگن لیگی نی معلوم قیلماقده.