تورکیه مطبوعاتیدن خلاصه لر 10.01.2022

صباح روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, قزاقستانده زودلیک بیلن تینچلیک و برقرارلیک نینگ اورنه تیلیشی نی آرزو قیلیاتگن لیگی نی بیلدیرگن لیگی نی یازماقده. 

خبرده, تورکیه و تورک دولت لری تشکیلاتی نینگ قزاقستان گه هر خیل همکارلیککه تیار ایکن لیگی نی بیلدیرگن چاووش اوغلی نینگ, "تورک دنیاسی نینگ دردی بیزنینگ دردیمیزدن عبارت.  بونی قاره باغ ظفری ده همه کوردی" دییه قید ایتگن لیگی ایسله تیلماقده. 

صباح روزنامه سی, ینگی تور کرونا ویروس (کووید 19) گه قرشی تورکیه ده ایشلب چیقاریلگن واکسین دن عبارت تورکوواک نینگ, 30- دسامبردن باشلب تطبیق ایتیله باشلنگن لیگی و انسان لرنینگ اوشبو واکسین گه قیزیقیشی نینگ جوده کتته بولگن لیگی نی معلوم قیلماقده. 

خبرده, سونگگی بیر هفته ده انسان لرنینگ 50 فایزی تورکوواک واکسینی نی قیلدیریش نی طلب قیلگن لیگی گه دقت قره تیلماقده. 

روزنامه, تورکیه ده ایشلب چیقاریلگن اوشبو واکسین نینگ دنیا نینگ باشقه کوپلب جای لریده امید منبعی گه ایله نیب قالگن لیگی نی ایسلتماقده. 

ستار روزنامه سی, تورک صنایع سکتوری نینگ اوتگن ییلده 170 میلیارد دالردن آرتیق صادرات بیلن اینگ یوقاری صادرات رقمی گه ایگه بولگن لیگی نی معلوم قیلماقده. 

خبرده, اوتگن ییلده تورک صنایع سکتوری دن اینگ کوپ طلب نینگ آلماندن کیلگن لیگی گه دقت قره تیلماقده. 

حریت روزنامه سی, میلادی 2020- ییلده تورکیه ده 1 میلیون دن آرتیق پلاستیک جراحی عملیاتی نینگ عملگه آشیریلگن لیگی نی ایسلتماقده. 

خبرده, جراحی عملیات لر آره سیده بورون عملیاتی نینگ بیرینچی اورین نی ایگلله گن لیگی بیلدیریلماقده. 

روزنامه, تورکیه نینگ پلاستیک جراحی بوییچه اینگ کوپ چیت ایللیک کسل گه ایگه دنیا نینگ ایککینچی اولکه سی بولگن لیگی نی یازماقده. 

ینی شفق روزنامه سی, تورکیه ده ایشلب چیقاریلگن موتر بولگن توگ نینگ بازار گه چیققنده 200 الی 3400 آت کوچی بیلن صفر دن بیر ساعتده 100 کیلومتر تیزلیککه 4,8 ثانیه ده چیقه دیگن لیگی نی معلوم قیلماقده. 

خبرده, توگ ده برچه خصوصیت لرنینگ موبلیتی ایکوسیستمی گه قوشیمچه قیلینه دیگن لیگی ایسله تیلماقده. 

روزنامه, اوشبو موتر نینگ میلادی 2023- ییل نینگ بیرینچی ربعی ده فابریکه ده کوپ مقدار ده تولیده ایتیله باشله یدیگن لیگی نی یازماقده.