تورکیه نینگ مطبوعات خلاصه لری

خبرتورک گزیته سی: افریقا بیلن تجارت حجمیده هدف 75 میلیارد دالر سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان تورکیه نینگ افریقا بیلن تجارت حجمی نینگ 5.4 میلیارد دالردن 30 میلیارد دالرگه کوترگن لیگینی ایندی ایسه بو هدف نینگ اولاً 50 میلیارد دالر آرتیدن  75 میلیارد دالرگه الیب بارماقچی ایکن لیکلرینی تیلگه آلدی. ایردوغان تاریخیده مستعمره عیبی بولمه گن ملت اوله راق (افریقا قاره سی بیلن) ایککی تامان قازانه دیگن تینگ اورتاقلیک اساسیده همارلیک نی بوندن هم کوچه یتریش گه اورونماقده میز" دیدی. 

حریت گزیته‌سی: « خزینه و مالیه وزیری نورالدین نباتی: تورکیه اقتصادی یوتوق قازانه دی» سرلوحه‌سی بیلن خبر بیردی.

خبرگه کوره خزینه و مالیه وزیری نورالدین نباتی تویتر آرقه لی بیرگن بیاناتده "حرمتلی جمهور باشلیغیمیز بیلدیرگن «تورک لیره سینی کوچه یتیرووچی» اقتصادی منیفستو بیلن توناون بولگندن کوپراق قاطع بیر شکلده یولیمیزگه دوام ایتماقده میز. هیچ کیم نینگ شبهه سی بولمه سین" دیدی. نباتی "سرمایه کیریتیش، تولید، استخدام و صادرات بولگن ینگی تورکیه شکلی بیلن یوتوق قازانگن تورکیه اقتصادی بوله دی" دیب افاده ایتدی.

صباح گزیته سی: ارمنستان بیلن اوچیشلر باشله یدی سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی تورکیه نینگ منطقه نینگ برقرارلیگی اوچون ایشانچ بیرووچی آدیملر آتگن لیگینی معلوم قیلیب تورکیه بیلن ارمنستان اورته سیده اوچیشلرنینگ باشلشینی ایتدی. چاووش اوغلی (ارمنستان بیلن) توغریدن توغری اوچره شوولرنینگ باشلشی اوچون اوزارا خاص نماینده لرنی تعیین قیلدیک. قیسقه مدت جریانیده خاص نماینده لر اوچره شوو اوتکزه دی. بعضی بیر شرکتلر کیلگوسی کونلرده اوچیشلرگه باشله یدی" دیدی. چاووش اوغلی تورکیه نینگ ارمنستان توغریسیده آتگن ادیملرنی آذربایجان بیلن مصلحتلشیب آتگن لیگینی تاکییدله دی.

ستار گزیته‌سی: تورکیه بیرلشگن ملتلر تشکیلاتی خوفسیزلیک کینگشی هشتک و تویتینی قاره له دی سرلوحه سی بیلن خبر بیردی.

خبرگه کوره تورکیه نینگ بیرلشگن ملتلر تشکیلاتی دایمی نماینده سی فریدن سینیراوغلی بیرلشگن ملتلر تشکیلاتی خوفسیزلیک کینگشی نی هشتک یخشی لیکن باش پناه اوچون بیر اوی – جای یخشیراق بوله دی. تاریخ بو کینگش نی هشتک نسلی ایتیب ایسله مه سین دیب قورقه من. هر آی بو کینگش گه کیلیب گپیریب تویت تشلب کیته میز. کیینگی آی شو نرسه نی تکرار قیله میز" دیب عکس العمل کورستدی. بیرلشگن ملتلر تشکیلاتی خوفسیزلیک کینگشی نینگ سوریه خلقی نینگ سونگگی چانسی ایکن لیگینی تاکییدله گن سینیر اوغلی قولیمیزدن کیلگن شو می؟ ینگی ییل قرارلریمیزنی تویت اورنیده سوریه خلقینی قوتقریش اوچون بیر نرسه لر قیله آله میز" دیب تنقید ایتدی.

یینی شفق گزیته‌سی: تورکیه، افریقا و آسیاده 18 میلیون انسانگه سوو ییتکیزیب بیردی  سرلوحه سی بیلن خبر بیردی.

خبرگه کوره تورکیه نادولت تشکیلاتلری و دولت تشکیلاتلری همکارلیگی بیلن آسیا و افریقاده گی 22 اولکه ده 34 مینگدن آرتیق سوو قودوغی قازیب بیردی. بو ایککی قاره ده 18 میلیوندن آرتیق انسان تمیز سووگه ایریشدی. هر ییل تورلی کسللیکدن 485 مینگ اولیم یوز بیرگن بو جغرافیه لرده نل، تمیزلش تاسیسلری و کیلومترلب سوو پایپ نلی قوریلدی.