تورکیه نینگ مطبوعات خلاصه لری

حریت گزیته‌سی: یوکسک استشاره کینگشی جلسه سیده پاریس اقلیم کیلیشووی تیلگه آلیندی سرلوحه سی بیلن خبر بیردی.

خبرگه کوره جمهور رئیسلیگی یوکسک استشاره کینگشی جلسه سی توناون کونی جمهور باشلیغی رجب طیب ایردوغان نینگ باشچیلیگیده بولیب اوتدی. پایتخت انقره ده جمهور رئیسلیک مجتمعیده گی جلسه تورکیه نینگ پاریس اقلیم کیلیشووینی مجلسدن قبول بولیب چریان گه کیریشی نینگ ارتیدن یوز بیره دیگن ینگی لیکلر تیلگه آلیندی.

صباح گزیته‌سی: « ایردوغاندن ملی دینگیز توپی آتیش مراسمیده مهم بیانات» سرلوحه‌سی بیلن خبر بیردی.

خبرگه کوره جمهور باشلیغی رجب طیب ایردوغان توناون کونی ماشین و کیمیا صنایعی دایره سیده دولت – نادولت سکتور همکارلیگیده تولید ایتیلگن ملی دینگیز توپی نینگ تیست آتیشی مراسمی گه جونتگن پیامده تورکیه تامانیدن ایشلب چیقریلگن دینگیز توپی بیلن ایندی بو قورال تیزیمینی تولید ایتووچی کم سانده گی اولکه لر قطاریگه کیرگن لیگینی بیلدیردی.

وطن گزیته سی: تشقی ایشلر وزیری مولود چاووش اوغلی: قیریم نینگ ناقانونی قوشیب آلیشینی تن آلمه یمیز سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی توناون کونی سویدن نینگ پایتختی استکهلمده اوتکزیلگن اروپا خوفسیزلیک و همکارلیک تشکیلاتی 28- تشقی ایشلر وزیرلری کینگشی جلسه سیده قیریم نینگ ناقانونی قوشیب آلیشینی تن آلمسلیکلرینی اورغولب "جنوبی قفقاضیاده دایمی تینچلیک اوچون بیر فرصت پنجره سی بار" دیدی.

خبر تورک گزیته‌سی: « نوامبر آییده صادراتده ریکارد اورنه تیلدی» سرلوحه‌سی بیلن خبر بیردی.

خبرگه کوره‌، تجارت وزیری محمد موش توناون کونی بیرگن بیاناتده " نوامبر آییده صادراتده اوتگن ییل نینگ نوامبر آییگه کوره 33.4 کوپه ییش بیلن 21.5 میلیارد سویه سیگه باردی. بو اینگ یوقاری سویه ده گی آیلیک صادراتیمیز" دیب بهالندیردی.

ستار گزیته سی: 25 ییل کیین دستلبکی سفر اجرا ایتیلدی سرلوحه سی بیلن خبر بیردی.

خبرگه کوره تورکیه بیلن لیبیا اورته سیده یولاوچی کیمه سفری 25 ییل کیین قیته دن باشله دی. سفرلر یوک و واسطه تشووچی لیگینی هم ممکن قیله دی و هفته ده بیر مرته اجرا بوله دی.

.