تورکیه مطبوعاتیدن خلاصه لر 01.12.2021

ینی شفق روزنامه سی, تورکیه جمهویتی جمهوررئیسی رجب طیب اردوغان نینگ, تی آر تی تلویزیونی آرقه لی بیرگن بیاناتیده, داعش گه مالی امکانیت تامین بیرگن لیگی کوپلب دلیل لر و محکمه قرار لری بیلن انیقلنگن فرانسه نینگ سمنت شرکتی دن عبارت لافارج حقیده گپیرگن لیگی نی بیلدیرماقده. 

خبرده, اردوغان نینگ, اوشبو وضعیت نی فرانسه جمهوررئیسی امانوئل مکرون گه بیلدیرگن لیگی نی معلوم قیلگن لیگی ایسله تیلماقده. 

روزنامه اردوغان نینگ, "لافارج نینگ حمایه سی بیلن ترور تشکیلاتی بو ییرلرده فعالیت لر عملگه آشیردی.  یعنی هیچ معلوماتی یوق دیک حرکت ایتماقده.  شونده ی قیلیب معما دن قاچماقچی.  بولر افسوس که ایککی یوزله مه چیلیک قیلماقده" دییه قید ایتگن لیگی نی یازماقده. 

حریت روزنامه سی, جمهوررئیس اردوغان نینگ, تلفن آرقه لی آذربایجانلیک کسبداشی الهام علی اف بیلن سوزلشگن لیگی نی بیلدیرماقده. 

خبرده, اردوغان نینگ, اوشبو صحبتده, آذربایجانده حربی هلیکوپتر نینگ قولب توشیشی عاقبتیده بعضی حربی لرنینگ شهید بولگن لیگی سببلی قیغوداشلیک بیلدیرگن لیگی معلوم قیلینماقده. 

وطن روزنامه سی, تورکیه جمهوریتی پارلمانی نینگ باشلیغی مصطفی شنتوپ نینگ بیرگن بیر بیاناتیده, "فلسطین دعوی سی بیلن علاقه لی فکری میز انیق.  بیز ایرکین و مستقل, پایتختی شرقی بیت المقدس دن عبارت بولگن فلسطین دولتی نی هردایم قوللب- قوتله ماقده میز" دییه قید ایتگن لیگی نی یازماقده. 

صباح روزنامه سی, اوتگن ییل نینگ خوددی شوو دوری بیلن سالیشتیریلگنده میلادی 2021- ییل نینگ اوچینچی ربعی ده تورکیه نینگ اقتصادی کوچی نینگ 7,4 فایز گه آشگن لیگی نی معلوم قیلماقده. 

خبرده, تورکیه نینگ اوشبو رقم بیلن جی 20 اولکه لری آره سیده اینگ یخشی وضعیتده بولگن اولکه وضعیتی گه کیلگن لیگی بیلدیریلماقده. 

ستار روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, تورک انترکتیکا بیلیم مرکزی نینگ قوریلیشی بوییچه سعی و حرکت لرنینگ جدل روشده دوام ایتیاتگن لیگی نی بیلدیررایکن, مرکز نینگ دیزاینی بیلن علاقه لی فعالیت لرنینگ تکمیل بولگن لیگی نی بیلدیرگن لیگی نی معلوم قیلماقده.