تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیته‌سی: « چیلیک مکرون گه عکس العمل کورستدی» سرلوحه‌سی بیلن خبر بیردی.
خبرگه کوره عدالت و ترقیات حزبی سوزچیسی عمر چیلیک توناون کونی حزبی نینگ جلسه سی نینگ آرتیدن فرانسه نینگ پایتختی پاریسده اوتکزیلگن لیبیا جلسه سی بیلن تیگیشلی اوله راق "لیبیاده تینچلیک نی تامین ایتیش لیبیا خلقی تامانیدن بولیشی کیره ک دیر. فرانسه جمهور باشلیغی ایمانوئیل مکرون نینگ تورکیه نینگ عسکرلرینی چیقریشی بوییچه چقیریغی خطادیر. تورکیه تعلیم مقصدی بیلن اوجایگه بارگن دیر" دیب بیانات بیردی.
صباح گزیته‌سی: مدافعه وزیری آقر مغولستان مدافعه وزیری سیخانبایار گورسد بیلن اوچره شدی سرلوحه سی بیلن خبر بیردی.
خبرگه کوره ملی مدافعه وزیری خلوصی آقر توناون کونی تورکیه مغولستان اقتصاد کمیته سی جلسه سی اوچون تورکیه گه کیلگن مغولستان مدافعه وزیری سیخانبایار گورسد بیلن اوچره شدی. ایککی وزیر یوزمه یوز اوچره شوونینگ آرتیدن هیئاتلر ارا اوچره شووگه باشچیلیک قیلدی. کیین ایککی اولکه اورته سیده عسکری تاریخ، آرشیف، موزیمچیلیک و نشریات ساحه لریده همکارلیک بیتیمی گه قول قوییلدی.
ستار گزیته سی: اوکتای: ییتکچی اولکه بولیش اوچون اورونماقده میز سرلوحه سی بیلن خبر بیردی.
خبرگه کوره جمهور باشلیغی اورینباسری فواد اوکتای قورولیشی نینگ 38 ییل لیگی مناسبتی بیلن شمالی قبرس تورک جمهوریتیده آچیلگن 100 نرسه ده تورک اسلام بیلیم تاریخی کورگزمه سیده سوز یوروتدی. اوکتای اوتمیشده قنداغکی بیلیم و آلغه باریش گه رهبرلیک قیلگن بولسک بوگون هم ایلگریلب بارگن تکنالوژیده ییتکچی بولیش اوچون اورونماقده میز" دیدی.
وطن گزیته‌سی: « تورک هوا یوللری کونده لیک 1 مینگ 7 اوچیش بیلن اروپا مقیاسیده اینک کوپ پرواز اجرا ایتگن 2- هوا یول بولدی.» سرلوحه‌سی بیلن خبر بیردی.
خبرگه کوره، اروپا هوا سیرو سفر امنیتی تشکیلاتی (EUROCONTROL) تامانیدن 8-14 نوامبر بیلن تیگیشلی نشر قیلگن هوا ترافیک راپورلریگه کوره تورک هوا یوللری خوددی شو تاریخلرده 1 مینگ 7 اوچیش بیلن اروپا مقیاسیده اینک کوپ پرواز اجرا ایتگن 2- هوا یول بولدی.
یینی شفق گزیته سی: یوروگونچه تاپیب آلدی: 40 میلوین ییللیک سرلوحه سی بیلن خبر بیردی.
خبرگه کوره آدی یامانده 40 میلیون ییللیک ایکن لیگی تثبیت ایتیلگن 4 ته فوسیل تاپیب آلیندی. بولوک یایله قیشلاغی اهالیسی 21 یشر گلجان اوزتورک عایله سی بیلن چیکه حدودلرده یوروب کیتگونچه تورلی شکلده 4 ته تاش تاپیب آلدی. اوزتورک بو تاشلرنی آدی یامان موزیم مدیرلیگی گه تسلیم ایتدی. موزیم مدیرلیگی منسوبلری دستلبکی تیکشیرووده تاپیب آلینگن 40 میلیون ییللیک حجره لی دینگیز جانلیسی ایکن لیگینی تثبیت ایتدی.
