تورکیه نینگ مطبوعات خلاصه لری

صباح گزیته‌سی: « ایردوغاندن فتوگه قرشی کوره ش بوییچه پیام: چادنینگ همکارلیگینی اونوتمه یمیز» سرلوحه‌سی بیلن خبر بیردی.

خبرگه کوره‌، جمهور باشلیغی رجب طیب ایردوغان توناون کونی پایتخت انقره ده چاد اوتیش دوری دولت باشلیغی محمد ادریس اتنو بیلن بولیب اوتگن اوچره شووی نینگ آرتیدن اویوشتیریلگن مطبوعاتی کنفرانسده "چاد بیلن تجاری مناسبتلریمیزنی چوقورلتیریش نی آماجله ماقده میز. مقصدیمیز تجارت حجمینی 200 میلیون دالرگه آلیب باریش دیر" دیدی. ایردوغان عین دمده فتوگه قرشی کوره ش بوییچه چادنینگ همکارلیگینی اونوتمه یمیز" دیب ایتدی.

حریت گزیته سی: تورکیه بیلن امریکا قوشمه ایالتلری اورته سیده گی حساس اوچره شوو سرلوحه سی بیلن خبر بیردی.

خبرگه کوره جمهور باشلیغی سوزچیسی ابراهیم قلین بیلن امریکا قوشمه ایالتلری خوفسیزلیک مصلحتچیسی جاک سولیوان اورته سیده گی سوزلشووده اوزارا مناسبتلر، ف-35/ف-16 مسئله سی، گلوبال اقلیم اوزگریشی، افغانستان، سوریه، لیبیا، یوقاری قاره باغ، یونان، اورته ییر دینگیزی و ایریم منطقوی موضوعلر تیلگه آلیندی.   

وطن گزیته‌سی: « بیراقدار ت ب2 سیها بیلن تیگیشلی ینگیلیکلر» سرلوحه‌سی بیلن خبر بیردی.

خبرگه کوره‌، بیراقدار ت ب2 نینگ ینگی بیر اولکه گه صادر قیلینه جگی بیلدیریلدی. شرکت نینگ تویترده گی آدرسیدن بیریلگن بیاناتده مذکور اولکه نینگ آتی بیریلمه دی. "ینه بیر اولکه بیلن بیراقدار ت ب2 سیها صادرات کیلیشووینی اداغگه ییتکیزدیک. بو کیلیشوو بیلن بیراقدار ت ب2 سیها صادر قیلینگن اولکه سانی 13 بولدی" دییلدی.

یینی شفق گزیته‌سی: استانبول قونلغه سی اروپاده اینگ یخشی قونلغه ایتیب تنلندی سرلوحه سی بیلن خبر بیردی.

خبرگه کوره استانبول قونلغه سی خلق ارا قونلغه لر کینگشی تامانیدن اویوشتیریلگن “17th ACI Europe Awards” دایره سیده اروپانینگ اینگ یخشی قونلغه سی و علاقه قوریش قونلغه سی مکافاتی گه لایق تاپیلدی.      

ستار گزیته‌سی: « اروپادن تورکیه گه طلب ییتیب کیلماقده» سرلوحه‌سی بیلن خبر بیردی.

خبرگه کوره تورکیه دن جاری ییل نینگ 10 آییده 83 اولکه گه 125 میلیون دالرلیک گل صادر قیلیندی. اینگ کوپ صادر قیلینگن اولکه لر ایسه هالند، انگلستان، آلمان، اوزبیکستان، رومانیا و بلغاریا بولدی.