تورکیه نینگ مطبوعات خلاصه لری
تورکیه نینگ مطبوعات خلاصه لری
وطن گزیتهسی: «تورکیه یشیل رواجلنیش یولینی باشلهتدی » سرلوحهسی بیلن خبر بیردی.
خبرگه کوره پرزیدنت رجب طیب ایردوغان، «پاریس اقلیم کیلیشووی»نی تصدیقلهگنلرینی یادگه سالگن حالده «یشیل» رواجلنیش یولینی باشلهتگنلیکلرینی بیلدیردی. «هر قندهی موضوعده بولگنیدیک یشیل رواجلنیش یولیده هم اینگ کوپ یاشلریمیز تامانیدن قوللب-قوّتلنماقدهمیز. تورکيه قندهی قیلیب ینگی تور کروناویروس (کوید-19) پاندیميسی دوریده کوچلی ساغلیکنی سقلش آست توزه لمه مسی یاردمیده اوزینی دنیا نینگ باشقه دولتلریدن علیحده اورینگه قویسه، خدا خواهلسه، هم یشیل رواجلنیش یولیده هم ده اقلیم اوزگریشی جریانیده خوددی شو موفقیتگه ایریشهدی. اللّه نینگ بیز انسانلرگه امانتی بولگن طبیعت موازنتینی حمایه قیلیب، امکانلریدن معقول روشده فایدهلنیب، رواجلنیشنی دوام ایتهمیز» دیگن افادهلرگه اورین بیردی.
یینی شفق گزیتهسی: « ایردوغان افریقاگه سیاحت اویوشتیرهدی » سرلوحهسی بیلن خبر بیردی.
خبرگه کوره، افریقا لیدرلری بیلن دیپلوماتیک علاقهلرینی آرتتیرگن جمهور باشلیغی ایردوغان، افریقاگه سیاحت اویوشتیرماقده. ایردوغان نینگ 17-اکتوبرده باشلب 4 کون دوام ایتیشی ریجهلشتیریلگن اوشبو سیاحتی انگاله، نیجاريا و توگونی اوز ایچیگه آلهدی. اوچونچی تورکيه-افریقا اورتاقلیک جلسه سی 17-18 دسامبر کونلری استانبولده اویوشتیریلهدی.
حریت گزیتهسی: تورکيه یمندهگی بمبلی هجومنی کیسکین قارهلهدی سرلوحه سی بیلن خبر بیردی.
تشقی ایشلر وزیرلیگی عدین والیسی احمد حمید لملاس نینگ قطاریگه قرشی اویوشتیریلگن بمبلی هجومنی قارهلب، بیانات بیردی. اونده: «یمن نینگ عدین ولایتیده شهر حاکمی احمد حمید لملاس قطاریگه قرشی منفجره مواد یوکلنگن موتر آرقهلی اویوشتیریلگن هجوم عاقبتیده جان بیرگن و کوپلب تن جراحتی آلگنلر بارلیگی حقیدهگی خبرنی چوقور قیغو بیلن ایشیتدیک. بیز اوشبو دهشتلی هجومنی قارهلهیمیز. هلاک بولگنلرگه رحمت، تن جراحتی آلگنلرگه ایسه شَفا تیلهیمیز. دوست و قرداش یمن خلقی و حکومتیگه تعزیه اظهار ایتهمیز» دیییلدی.
صباح گزیتهسی: « تاغ-کان صنایعی ترماغی صادراتیده ریکارد اورنهتیلدی» سرلوحهسی بیلن خبر بیردی.
خبرگه کوره، دنیاده ایشلب چیقریلگن 90 کان توری نینگ 80 فایزیگه ایگه و 650 توردهگی مرمر بیلن 150 توردهگی طبيعي تاشنی اوز ایچیگه آلگن تورکيه توپراقلری، تاغ-کان ترماغی صادراتیده ریکارد اورنهتیشنی دوام ایتماقده. تاغ-کان صنایعی ترماغی فقطگینه سپتمبر آییده 584.3 میلیون دالرلیک صادرات یولگه قویدی. بو آرقهلی اوتگن ییل نینگ خوددی شو آییگه نسبتاً صادراتده کوزهتیلگن آرتیشی 39.1 فایز دیب قید ایتیلدی.
خبر تورک گزیتهسی: « فورمولا 1 تورکيه گراند پریکس مسابقهسی قیزیقرلی اوتدی» سرلوحهسی بیلن خبر بیردی.
خبرگه کوره، فورمولا 1 جهان بیلله شوویده موسم نینگ اون آلتینچی مسابقهسی دیب رویخطگه آلینگن تورکيه گراند پریکسیده غلبه مرسیدیس هیداوچیسی ولتتیری بوتتاسگه نصیب قیلدی. یاغینگرچیلیک طفیلی هیداوچیلر وقتی-وقتی بیلن قیین آنلرگه دوچ کیلیشیگه قرهمهی استانبول پارکیدهگی اویین جوده هم قیزیقرلی اوتدی. تریبونلرنی تولدیرگن قریب 80 مینگ کیشی هم عجایب منظره یرهتدی. مسابقهنی بیرینچیلردن بولیب تماملهگن مرسیدیس نینگ فینلندلیک هیداوچیسی ولتتیری باتتاسگه کپینی تورکيه بویوک ملت مجلسی رئیسی مصطفی شینتوپ تقدیم ایتدی