تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیته‌سی: «ایردوغان: سوریه ده تینچلیک تورکیه و روسیه گه باغلیق» سرلوحه‌سی بیلن خبر بیردی.
خبرگه کوره، جمهور باشلیغی رجب طیب ایردوغان بیلن روسیه دولت باشلیغی ویلادیمیر پوتین نینگ یوزمه یوز ملاقاتیده حاساس موضوعلر میزده بولدی. اینیقسه سوریه ده یوزبیرگن حادثه لر تیلگه آلینگن اوچره شوو آلدی بیانات بیرگن جمهور باشلیغی ایردوغان "سوریه بیلن تیگیشلی بیز آتگن ادیملر جوده مهم. او جای نینگ هم تینچلیگی تورکیه بیلن روسیه نینگ مناسبتی گه باغلیق" دیدی.
خبر تورک گزیته‌سی: «جمهور باشلیغی ایردوغان نیویورک تایمزگه تورکیه نینگ س-400 آلیش سببینی ایتدی» سرلوحه‌سی بیلن خبر بیردی.
خبرگه کوره جمهور باشلیغی رجب طیب ایردوغان تورکیه نینگ روسیه دن س-400 هوا مدافعه تیزیملرینی آلیشی نینگ ناتو اتفاقی گه ضرر ییتکیزگن لیگی بیلن تیگیشلی تنقیدلرنی رد ایتدی. ایردوغان "امریکالیکلر تورکیه گه پتریئوت ساتگن بولسه ایدی س-400 لرنی آلیش گه مجبور بولیب قالمسدیک" دیدی.
وطن گزیته‌سی: « تورکیه بیلن اوکراین اورته سیده تاریخی کیلیشوو» سرلوحه‌سی بیلن خبر بیردی.
خبرگه کوره، اوکراین مدافعه وزیرلیگی و بایقر شرکتی اورته سیده مشترک انسانسیز هوا واسطه سی ترمیم و تعلیم مرکزی ساختمانی بیلن تیگیشلی کیلیشووگه قول قوییلدی. کیلیشووگه کوره بایقر اوکراین اردوسیگه باغلیق واسیلکوف منطقه سیده ایها ترمیم مودرنیزاسیون و تعلیم مرکزی قوره دی. اوکراین قوراللی کوچلری تورکیه دن 7 ته ت ب2 ایها ساتیب آلگندی.
صباح گزیته‌سی: تورکیه قیته تیکلنه دیگن انرژیده دنیا مقیاسیده 12 – اروپا مقیاسیده 5 - اورینده سرلوحه سی بیلن خبر بیردی.
انرژی و طبیعی منبعلر وزیری فاتح دونمز تورکیه نینگ موجود قیته تیکلنه دیگن انرژی کوچی بیلن دنیا مقیاسیده 12 – اروپا مقیاسیده 5 – اورین آلگن لیگینی معلوم قیلدی. دونمز "قویاش انرژیسی و شمال انرژیسیده پیش قدم و مثال تشکیل ایته میز. بونینگ اینگ مهم کورستگیچی قویاش و شمال انرژیسی سرمایه کیریتیشلریمیزده تیز حرکت قیلماقده میز" دیب ایتدی.
حریت گزیته‌سی: فرانسیز شرکتلرنینگ تورکیه ده گی سرمایه کیریتیشلری کوپه ییب باره دی سرلوحه سی بیلن خبر بیردی.
فرانسه تشقی تجارت و سرمایه کیریتیش وزیری فرانک ریستر تورکیه بیلن فرانسه اورته سیده گی اوزارا تجارت نینگ جوده مهم بعدلرده ایکن لیگینی بیلدیردی. ریستر "اوتگن ییل 14 میلیارد یورولیک ایککی تامانلمه تجارت قیلدیک. سونگگی آیلرده اوزارا تجارت نینگ کوپه یگن لیگینی کوره میز. بناً بو ییل 16 میلیارد یورولیک بیر رقم گه ییتیب باریشیمیز ممکن" دیدی.
