تورکیه نینگ مطبوعات خلاصه لری

خبر تورک گزیته‌سی: تورک حربیلری افغانستاندن قیتیب کیله دی سرلوحه سی بیلن خبر بیردی.

ملی مدافعه وزیرلیگی تورلی اوچره شوولر، موجود وضعیت و شرطلر بهالندیریلیب تورک قوراللی کوچلری عنصرلری نینگ افغانستاندن آلیب چیقیش جریانی گه باشلنگن لیگینی بیلدیردی.

وطن گزیته‌سی: جمهور باشلیغی ایردوغاندن طالبان بیلن تیگیشلی بیانات سرلوحه سی بیلن خبر بیردی.

جمهور باشلیغی رجب طیب ایردوغان بیتلیس نینگ اهلات تومنیده بویوک ایلچیلر بیلن آقشم اوقاتی پروگرامیده "افغانستانده کینگ کولملی بیر باشقروو قوریلیشی کیره ک. طالبان ییتکچیلریدن کیلگن پیاملرگه شو وقت احتیاط قیلیب یخشی قره یمیز" دیدی.

ستار گزیته‌سی: ایردوغان: دنیاده هر حساس موضوعده سوز صاحبی اولکه گه ایلندیک سرلوحه سی بیلن خبر بیردی.

ملازگیرت ظفری نینگ 950 ییل لیگیده بیتلیس نینگ اهلات تومنیده اویوشتیریلگن پروگرامده گپیرگن جمهور باشلیغی رجب طیب ایردوغان "توناون اوز چیگره لری ایچیده قشاقلیک بیلن کوره شگن بیر اولکه دن بوگون منطقه سیده و دنیاده تورلی حساس موضوعلرده سوز صاحبی بیر اولکه وضعیتی گه کیلدیک" دیدی.

یینی شفق گزیته‌سی: تورکواک واکسینی 3 فاز فعالیتلری دایره سیده اوز اختیاریگه کیلگنلرگه عملی قیلیش باشلندی سرلوحه سی بیلن خبر بیردی.

ایرجیس عالی بیلیم یورتی بیلن ساغلیق نی سقلش وزیرلیگی تورکیه ساغلیق انستیتولری باشقرووی همکارلیگی بیلن ایشلب چیقریلگن ینگی تور کروناویروس (کوید-19) واکسینی تورکواک 3 فاز فعالیتلری دایره سیده اوز اختیاریگه کیلگنلرگه عملی قیلیش گه باشلندی.

صباح گزیته‌سی: استانبول قونلغه سی 2050 گچه "صفر گاز ییره ش" نی تعهد ایتماقده سرلوحه سی بیلن خبر بیردی.

استانبول قونلغه سی خلق ارا قونلغه لر کینگشی تامانیدن باشله تیلگن و 238 قونلغه اورین آلگن 2050 ییلی گچه "انیق صفر سی او 2 گاز ییره ش" تعهدیگه قوشیلدی.