تورکیه نینگ مطبوعات خلاصه لری

تورکیه نینگ مطبوعات خلاصه لری

1662177
تورکیه نینگ مطبوعات خلاصه لری

ستار گزیته‌سی: ایردوغان: مهاجرلرنی کوچیشگه مجبور قیله‌دیگن سببلرنی یوق قیلیش شرطدیر سرلوحه سی بیلن خبر بیردی.

جمهور باشلیغی رجب طیب ایردوغان، خلق‌ارا مهاجرلر کونی مناسبتی بیلن بیرگن بیاناتیده: «مهاجرلرنی کوچیشگه مجبور قیلگن سببلرنینگ یوق قیلینیشی شرطدیر. توقنه شوولر و برقرارسیزلیکلر نینگ توخته‌تیلیشی و اولرنینگ اویلریگه قَیتیشلری اوچون سعی-حرکتلر ضرور». - دیگن افاده‌لرگه ا‌ورین بیردی.

 

حریت گزیته‌سی: چاووش اوغلی یونان ‌گه جواب بیردی سرلوحه سی بیلن خبر بیردی.

 یونان  تشقی ایشلر وزیری نیکوس دیندیاس نینگ، «تورکلرنینگ هجومکارانه معامله‌سینی تورکيه‌ نینگ اوزیگه قرشی قورال صفتیده فایده‌لندیک» دیگن سوزلریگه تورکيه جواب بیردی. تشقی ایشلر وزیری مولود چا‌ووش اوغلی بو حقیده بیرگن بیاناتیده، «یونان  تحریک مناسبتلریدن واز کیچیشی کیره‌ک» دیدی.

 

خبر تورک گزیته‌سی: اوکراین تشقی ایشلر وزیری یورتداشلرینی دَم آلیش اوچون انتالیا‌گه چقیردی سرلوحه سی بیلن خبر بیردی.

اوکراینه تشقی ایشلر وزیری دمیتري کولیبه، اوکراین ‌لیکلرنی دَم آلیش اوچون انتالیا‌گه تکلیف قیلدی. کولیبه: «اوکراین‌لیک سیاحلر بو آرقه‌لی هم چیرایلی دینگیزده دَم آلیش هم ده تورکيه‌ده‌گی قدیمي تاریخنی یقیندن کوزه‌تیش و او بیلن تنیشیش امکانیگه ایگه‌ بوله‌دی» دیدی.

 

صباح گزیته‌سی: اوچیشلرگه رخصت بیریلیشی روس سیاحلرگه خرسندچیلیک بخش ایتدی سرلوحه سی بیلن خبر بیردی.

 روسيه پاندیمي طفیلی توخته تیب قویگن تورکيه اوچیشلرینی تکرار باشله‌تدی. روسلر 1 ساعتده تور شرکتلری نینگ انترنیت سایتلرینی دییرلی اوچیریب قویدی. بیش آیده 7 میلیون روس سیاح نینگ تورکيه‌گه کیلیشی کوتیلماقده.

 

یینی شفق گزیته‌سی: لی فگارو گزیته‌سی اوز اوقووچیلرینی تورکيه‌گه تکلیف قیلدی سرلوحه سی بیلن خبر بیردی.

 فرا‌نسه‌ نینگ لی فگارو گزیته‌سیده «تورکيه‌گه باریش اوچون 5 سبب» دیگن سرلوحه‌ بیلن مقاله‌ چاپ ایتیلدی. تورکيه‌ده‌گی دقّتگه سزاوار جایلر حقیده سوز ایتگن مقاله‌ده گوبیکلی تیپه، بودروم، موغلا، شاکرین جامع مسجدی، شرقي ایکسپریس و بعضی مشهور کبابچیلر مطلقا باریلیشی کیره‌ک و تماشا‌ قیلینیشی لازم جایلر صفتیده تیلگه آلینگن.



علاقه لی ینگی لیکلر