تورکیه نینگ مطبوعات خلاصه لری
تورکیه نینگ مطبوعات خلاصه لری
حريت گزیتهسی: ایردوغان بایدن بیلن عملگه آشیریلهدیگن اوچرهشوویده 9 مادّهنی قولگه آلهدی سرلوحه سی بیلن خبر بیره دی.
دولت باشلیغی رجب طیب ایردوغان و امریکا قوشمه ایالتلری دولت باشلیغی جو بایدن اورتهسیده بولیب اوتهدیگن اوچرهشووده مهم 9 مادّه کون ترتیبیگه آلیب چیقیلهدی. یوزمه - یوز عملگه آشیریلهدیگن اوچرهشووده فیتح للهچی ترور تشکیلاتیگه (فیتو) قرشی کورهشده انیق بیر قدم و پکک/ یپگ ترور تشکیلاتیگه بیریلگن یاردم نینگ توختهتیلیشی طلب قیلینهدی. ف - 35 حربي اوچاقلری بیلن س - 400 راکت تیزیملری مسألهسی بیلن سوريه، لیبیا، شرقي اورته ییر دینگیزی، تاغلی قارهباغ و 100 میلیارد دالرلیک سودا ریجهلری محاکمه قیلینهدی.
یینی شفق گزیتهسی: بایدن ییتکچیلیگی تورکيهگه قرشی ینگی فکرلر یراتیشی کیرهک سرلوحه سی بیلن خبر بیره دی.
امریکا نینگ دی والل سترییت ژورنال گزیتهسی امریکا قوشمه ایالتلری دولت باشلیغی جو بایدن ییتکچیلیگی نینگ تورکيه سیاستی نینگ قندهی بولیشی کیرهکلیگی حقیده مقاله چاپ ایتدی. اونده تورکيه نینگ، هم امریکا قوشمه ایالتلری نینگ اینگ مهم اتفاقچیلریدن بیری ایکنی هم ده قیین دولت ایکنی تأکیدلندی. شوندهی ایکن بایدن ییتکچیلیگی نینگ تورکيهگه قرشی ینگی فکرلر یراتیشی کیرهکلیگی تکلیف قیلینر ایکن عینِ وقتده «انقره نینگ تشقی سیاستی ینه - ده مستقل بولیشنی دوام ایتهدی». دییلدی.
ستار گزیتهسی: مکرون: دولت باشلیغی ایردوغان بیلن بیر - بیریمیزنی کوریشگه احتیاجیمیز بار» سرلوحه سی بیلن خبر بیره دی.
فرانسه دولت باشلیغی ایمانویل مکرون، ناتو جلسه سی دایرهسیده هم شخصی نینگ هم ده دولت باشلیغی ایردوغان نینگ اوچرهشوو اوتکزیش ایستهگیده ایکنینی افاده ایتگن حالده، «بو یخشی نرسه. بیر - بیریمیزنی کوریشیمیز کیرهک» دیدی. مکرون نینگ تأکیدلشیچه، دولت باشلیغی ایردوغان بیلن همفکر بولمهسهلر هم گپلشیشلری و بونی دوام ایتتیریشلری لازم.
خبر تورک گزیتهسی: اروپا وارد قیلگن اورگانیک قیشلاق خوجهلیگی محصولاتلری نینگ 7 فایزی تورکيهدن صادر قیلینماقده سرلوحه سی بیلن خبر بیره دی.
تورکيه اورگانیک قیشلاق خوجهلیگی محصولاتی بوییچه دنیاده 18 - اورینده. تورکيه 8 محصولات بیلن باشلهگن اورگانیک دهقانچیلیک فعالیتینی اوتگن ییلدن اعتباراً 235 محصولاتگه چیقرر ایکن اروپا وارد قیلگن محصولاتلر نینگ 7 فایزینی تامین ایتیش کوچیگه ایگه بولدی. اورگانیک قیشلاق خوجهلیگیده ایشلب چیقریش فعالیتلری اوتگن ییلی، ینگی تور کروناویروس (کوید - 19) پاندیميسی شرطلریگه قرهمهی 1.6 میلیون تُننی تشکیل ایتدی.
وطن گزیتهسی: اغریده آلتین ذخیرهلری تاپیلدی سرلوحه سی بیلن خبر بیره دی.
اغریده 20 تُن آلتین ذخیرهسی انیقلندی. ولایتده ایکّی ییل ایچیده 3 - 3،5 تُن آلتین ایشلب چیقریش ریجهلشتیریلگن. موضوعگه دایر بیانات بیرگن صنایع و تکنالوژي وزیری مصطفی ورهنک، «اغریده آلیب باریلگن و اوزاق دوام ایتگن قیدیروو فعالیتلری نتیجهسیده، بازار قیمتی 1،2 میلیارد دالرنی تشکیل ایتگن 20 تُن آلتین و 2.8 میلیارد دالر قیمتیگه ایگه 3،5 تُن کوموش ذخیرهسی تاپیلدی». دیدی.