تورکیه مطبوعاتیدن خلاصه لر 07.05.2021

تورکیه مطبوعاتیدن خلاصه لر 07.05.2021

1636125
تورکیه مطبوعاتیدن خلاصه لر 07.05.2021

وطن روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, تورکیه و مصر هیئت لری اورته سیده قاهره ده مثبت اوچره شوو بولیب اوتگن لیگی نی بیلدیررایکن, اوزی نینگ هم آلدین بیر نیچه مراتبه مصرلیک کسبداشی سامح شکری بیلن صحبت قیلگن لیگی نی ایسله تیب, "مناسبت لری میز نینگ عادی لشتیریلیشی بوییچه تشله نه دیگن قدم لر توغریسیده گی مذاکره لر دوام ایته دی" دییه قید ایتگن لیگی نی یازماقده. 

حریت روزنامه سی, تورکیه جمهوریتی تشقی ایش لر وزیرلیگی نینگ, خلق ارا جامعه نی, اسرائیل نینگ غربی نوار و بیت المقدس ده گی ناقانونی یهودی تورر جای لر نی کینگیتیریش بوییچه سعی و حرکت لری گه قرشی عکس العمل کورسه تیش گه چقیرگن لیگی نی معلوم قیلماقده. 

ستار روزنامه سی, تورکیه جمهوریتی علمی و تکنالوژیک تدقیقات لر مرکزی باشلیغی پروفیسر داکتر حسن ماندال نینگ, تورک متخصص لر نینگ علمی تحقیقات آلیب باریاتگن کرونا ویروس گه قرشی ینگی بیر واکسین نینگ هم جهان ساغلیق نی سقلش تشکیلاتی لیستی گه کیریتیلگن لیگی نی بیلدیرگن لیگی گه دقت قره تماقده.

خبرده, ویروس گه اوخشش پارچه لر گه تینگن (VLP) واکسین نینگ هم اوشبو تشکیلات نینگ لیستی گه کیریتیلگن لیگی نینگ بیلدیریلگن لیگی معلوم قیلینماقده. 

صباح روزنامه سی, تورکیه نینگ جاری ییل نینگ دستلبکی تورت آییده تقریباً 1 میلیارد دالرلیک مدافعه و هوا صنایع سی محصولاتی صادر قیلگن لیگی نی بیلدیرماقده. 

خبرده, تورکیه نینگ امریکا قوشمه ایالتلری گه 386,1 میلیون دالرلیک صادرات قیلگن لیگی بیلدیریلرایکن, اوشبو رقم بیلن امریکا نینگ تورکیه دن محصولات وارد قیلیاتگن اولکه لر آره سیده بیرینچی اورین نی ایگلله گن لیگی معلوم قیلینماقده. 

ینی شفق روزنامه سی, تورکیه جمهوریتی مدنیت و توریزم وزیری اورینباسری نادر آلپ اسلان نینگ, اوتگن هفته ده تورکیه گه تشریف بویورگن اوکراین هیئتی نینگ ایشانرلی توریزم سندی پروگرامی نی موفقیتلی اوله راق بهالنتیرگن لیگی نی معلوم قیلرایکن, "روسیه بیلن علاقه لی هم بونده ی بیر فعالیت نی قیلماقچی میز.  رمضان هیئت بیره می آلدی دن روسیه هئیتی بیلن اوچره شیشی میز ممکن" دییه قید ایتگن لیگی نی بیلدیرماقده.



علاقه لی ینگی لیکلر