تورکیه نینگ مطبوعات خلاصه لری

خبر تورک گزیته سی: مدافعه وزیر و قومندانلر چیگره ده سرلوحه سی بیلن خبر بیردی.

ملی مدافعه وزیری خلوصی آقر قوراللی کوچلر قومندانی جنرال یشر گولر و ییر کوچلری قومندانی جنرال دوندار بیلن توناون کونی عراق نینگ شمالیده گی حربی مرکز منطقه سیده تیکشیروو عملگه آشیردی. مدافعه وزیری آقر پنجه – چقماق و یلدیرم عملیاتلری یوتوقلی بیر شکلده دوام ایتماقده. بیرچه سوملریگه باریب کیردیک. تروریزم نی بیتیریش گه قرارلی میز. تیزده تینچلیک و برقرارلیک نی تامین ایته میز" دیدی.

حریت گزیته سی: ملی مدافعه وزیرلیگی اعلان قیلدی: اتاک تیک اوچر بیلن تاثیرسیز وضعیت گه کیلتیریلدیلر سرلوحه سی بیلن خبر بیردی.

ملی مدافعه وزیرلیگی توناون کونی پنجه – یلدیرم عملیاتی منطقه سیده تثبیت ایتیلگن بولووچی ترور تشکیلاتی پی کاکا منسوبی 2 ته تروریست جنگری اتاک تیک اوچر بیلن تاثیرسیز وضعیت گه کیلتیریلدی دییلدی.

یینی شفق گزیته سی: تورک حربی کیمه سی TCG غازی انتیب لیبیا دینگیز ساحه سیده 123 ته قاچقین نی اولیمدن قوتقریب آلدی سرلوحه سی بیلن خبر بیره دی.

لیبیا دینگیز ساحه سیده یاردم طلب ایتگن 123 ته قاچقین تورکیه قوراللی کوچلری تورک حربی کیمه سی TCG غازی انتیب کیمه سی نینگ تشبثی و لیبیا قیرغاق خوفسیزلیگی نینگ مداخله سی بیلن قوتقریب آلیندی.

صباح گزیته سی: اوکراینلیک سیاحلر کوید-19 جریانیده تورکیه نی تنله دی سرلوحه سی بیلن خبر بیردی.

موغلاده ینگی تور کروناویروس (کوید-19) تدبیرلری دایره سیده تیارگرلیکلرینی اداغگه ییتکیزیب خذمت بیریش گه باشله گن توریستیک جایلرگه اوکراینلیک سیاحلر کیلماقده. موغلاگه کیلگن 350 کیشی لیک اوکراینلیک ایلک توریست گروپ ایککی هفته فتحیه و مرمریسده گی هوتللرده قاله دیلر.

ستار گزیته سی: لیزبونده ملی کاراته چیلر 3 ته آلتین 9 ته میدال قولگه کیریتدی سرلوحه سی بیلن خبر بیردی.

کاراته ملی تیرمه جماعه سی پورتگال نینگ پایتختی لیزبونده اویوشتیریلگن و 2020 توکیو المپیادلری اوچون اورین آلیش نمره سی بیره دیگن کاراته 1 پریمیئر لیگ نینگ لیزبون بیلله شوولرینی 3 آلتین 6 برونز میدال بیلن بیتکزدی.