تورکیه نینگ مطبوعات خلاصه لری

خبر تورک گزیته سی: عدالت وترقیات حزبی سوزچیسی عمر چیلیک مهم بیانات بیردی سرلوحه سی بیلن خبر بیردی.

عدالت وترقیات حزبی سوزچیسی عمر چیلیک یونان نینگ قاچقینلرگه قره ته یانداشووی نی قاره لب شونی ایتدی: "یونان قیرغاق خوفسیزلیک کوچلری رسماً تیل توکیب یاقیش گه اورونیب بیر قتل عام گه قول اوروش گه اورونگنلردیر. صرب قصابلر قیلگندیک راونداده بولگندیک. قهرمانلریمیز او جایده بولمسه بو انسانلرنینگ برچه سیگه اورته ییر دینگیزی قبرستان قیله دیلر. سیز دموکراسینگیزنی اولاً اورته ییردینگیزیدن قوتقریب آلینگ، کیین گپیرینگ.

ستار گزیته سی: تورکیه قوراللی کوچلری اوچون ایشلب چیقریلدی دنیا حیران بولدی بلند نمره آلدی سرلوحه سی بیلن خبر بیردی.

تورکیه قوراللی کوچلری اوچون ایشلب چیقریلگن 15 دقیقه ته قوریله دیگن بالستیک قوریقلاوچی قومنده و کنترول کانتینر مرکزی ناتو حربی سینشیده حیران بولدی بلند نمره آلدی. حربی مرکز یوقاری سویه قوریقلش استخبارات زیر بناسی و حرکت لیگی بیلن خوفسیزلیک کوچلریگه خذمت بیرماقده.

صباح گزیته سی: قیته تیکلنه دیگن انرژی 100 گه بارماقده سرلوحه سی بیلن خبر بیردی.

انرزی و طبیعی منبعلر وزیری فاتح دونمز قیته دن تیکلش انرژی نینگ 100 فایزگه بارگن لیگینی معلوم قیلیب "ایلک اوچ آیده فعال بولگن کوچیمیزنینگ 97،9 فایزی قیته تیکلنه دیگن منبعلردن بولدی" دیدی.

یینی شفق گزیته سی: روس توریستلر تورکیه ده تعطیل قیلیشده قرارلی سرلوحه سی بیلن خبر بیردی.

روسیه سیاحت شرکتلر بیرلیگی باشلیغی مایه لومیدزه روسیه دن اوچیشلرنینگ توخته تیلیشی باعث اپریل و می آیلریده تورکیه ده تعطیل قیلالمه یدیگن روس توریستلرنینگ کوپچیلیگی نینگ پلانلریگه اوزگریش یوز بیرمه گن لیگینی تورکیه گه کیلیش اوچون ایریم تاریخلرنی کوتگن لیگینی بیلدیردی.

حریت گزیته سی: تورکیه فوتبال فدراسیونی: اروپا سوپرلیگی تشبثی قبول قیلینمه یدی سرلوحه سی بیلن خبر بیردی.

تورکیه فوتبال فدراسیونی بعضی بیر اروپا فوتبال جماعه لری تامانیدن ایجاد ایتیلگن لیگی بیلدیریلگن اروپا سوپر لیگی پروزه سی بیلن تیگیشلی ینگی لیکلرنی خواطر بیلن تعقیب ایتگن لیکلرینی معلوم قیلیب "دنیا فوتبالی نینگ کیلجگینی بوتونله ی خطرگه توشیره دیگن بو معناسیز تشبث نی قبول قیلمه یمیز" دیدی.