تورکیه نینگ مطبوعات خلاصه لری
تورکیه نینگ مطبوعات خلاصه لری
وطن گزیته‌سی: «1915 ییل واقعه‌لری بوییچه خلق‌ارا کنفراس» سرلوحه‌سی بیلن خبر بیردی.
خبرگه کوره، ایرته‌گه 20 اپریل کونی تورکيه جمهور رئیسلیک علاقه بولیمی تامانیدن 1915 ییل واقعه‌لریگه بغیشلنگن خلق‌ارا کنفراس اوتکزیله‌دی. تدبیر کرونا‌ویروس پاندیميسی سببلی آنلاین شکلده عملگه آشیریله‌دی. کنفراسده 1915 ییل واقعه‌لری نینگ تاریخی، حقوقي جهتلری و کونیمیز جریانیگه کورستگن تأثیرلری حقیده سوز یوریتیله‌دی.
ستار گزیته‌سی: «وزیر وره‌نک نینگ VLP و‌کسینی بوییچه بیاناتی» سرلوحه‌سی بیلن خبر بیردی.
خبرگه کوره، تورکيه صنایع و تکنالوژي وزیری مصطفی وره‌نک «VLP - ویروسگه اوخشش ذرّه‌چه‌لرگه اساسلنگن محلي وه‌کسینه»نی انسانلر اوستیده سینب کوریش باسقیچیده کونگیللی روشده ایملندی. وزیرنینگ تأکیدلشیچه، وا‌کسین‌دن سونگ او اوزینی یخشی حس قیلماقده. «وهکسین ایشلب چیقریش بوییچه زیربنامیز مستحکم. VLP - ویروسگه اوخشش ذرّه‌چه‌لرگه اساسلنگن محلي واکسین ایشلب چیقریش بوییچه دنیاده سناقلی دولتلردن بیریمیز»،-دیدی.
حریت گزیته سی: توگ گه کتته مقتاو سرلوحه سی بیلن خبر بیردی.
تورکیه اوتوموبیل گروهی توگ سی-سوو مودل بیلن دنیا مقیاسیده گی ایف دیسجین اوارد 2021 ده تورکیه دن موبیلیشن ساحه سیده مکافات قولگه کیریتدی.
صباح گزیته‌سی: «استانبول قونلغه سی اروپاده ییتکچیلیکنی قولدن بای بیرمه دی» سرلوحه‌سی بیلن خبر بیردی.
خبرگه کوره، اروپا سیرو سفر تشکیلاتی تامانیدن تیارلنگن اوچیش هوا ترافیکی راپوریگه کوره، استانبول قونلغه سی 14 اپریلده عملگه آشیرگن 604 مرته پرواز بیلن اروپا قونلغه لری آره‌سیده بیرینچی ا‌وریننی ایگلله‌دی.
یینی شفق گزیته‌سی: «بیرلشگن عرب امیرلیکلریدن بودروم و ترا‌بزونگه توغریدن-توغری اویه قه‌تناولر یولگه قوییله‌دی» سرلوحه‌سی بیلن خبر بیردی.
خبرگه کوره، بیرلشگن عرب امیرلیکلری گه عاید فلای دوبی هوا یول شرکتی یقین کونلرده تورکيه نینگ ترا‌بزون و بودروم شهرلریگه توغریدن-توغری اویه‌قه‌تناولر یولگه قوییلیشینی معلوم قیلدی. ترا‌بزون شهریگه هفته‌ده 3 مرته، بودروم شهریگه ایسه هفته‌ده 2 مرته پروازلر عملگه آشیریله‌دی.
