تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیتهسی: «لیبیاگه یاردمیمیز دوام یتهدی» سرلوحهسی بیلن خبر بیردی.
خبرگه کوره، تورکيه جمهور باشلیغی رجب طیب یردوغان تورکيه و لیبیا اورتهسیده کیلیشوولرنی امضالش مراسمیدن سونگ، لیبیا باش وزیری عبدالحمید دبیبه بیلن قوشمه مطبوعات کنفرانسیده اشتراک ایتدی. یردوغان تورکيه نینگ لیبیاگه یاردمی دوام ایتیشینی تأکیدلب، «تورکيه بیلن لیبیا اورتهسیده دینگیز صلاحیت ساحه سی بوییچه امضالنگن کیلیشوو بیتیمی ایکّی مملکت منفعتلریگه تولیق خدمت قیلهدی و دولتلر استقبالینی کفالت آستیگه آلهدی»، دیدی.
وطن گزیتهسی: «مصر نینگ تورکيه حقیده بیاناتی» سرلوحهسی بیلن خبر بیردی.
خبرگه کوره، مصر تشقی ایشلر وزیری سمیح شکری مصر تورکيه بیلن ایکّی تامان هم منفعتدار بولهدیگن ملاقات و خلقارا حقوق معیارلریگه ماس روشده علاقهلر اورنهتیش نی خواهله گنلیگینی بیلدیردی.
صباح گزیتهسی: «دنیا نینگ اینگ کوچلی قوراللی کوچلری معلوم بولدی» سرلوحهسی بیلن خبر بیردی.
خبرگه کوره، هر ییلی دنیادهگی اینگ کوچلی قوراللی کوچلر رویخطینی توزگن گلوبال فایرپویر جاري 2021 ییل نینگ اینگ کوچلی قوراللی کوچلری رویخطینی اعلان قیلدی. آخرگی ییللرده اوچووچیسیز هوا واسطهلری و قوراللی درانلری بیلن بوتون دنیا نینگ دقّت مرکزیده بولگن تورکيه قوراللی کوچلری بو ییل اوشبو رویخطده 11-اوریننی ایگللهدی.
حریت گزیتهسی: «حُرجیت تخنیکي سازلشگه تیارلنماقده» سرلوحهسی بیلن خبر بیردی.
خبرگه کوره، تورک هواچیلیک و فضا صنایعی (توساش) «حُرجیت» ناملی محلي حربي تعلیم اوچاقلری اوچون تخنیکي اپرزه قِسملرنی ایشلب چیقریشگه کیریشدی. جاري ییل آخریده اوچاقنی تخنیکي سازلش فعالیتلری باشلنهدی.
ستار گزیتهسی: «تورک هوا یوللری اروپا بوییچه ییتکچیلیکنی قولدن بای بیرمه دی» سرلوحهسی بیلن خبر بیردی.
خبرگه کوره، اروپا هوا سیرو سفر تشکیلاتی 4-11 اپریل کونلریدهگی پروازلر بوییچه راپوریگه کوره، تورک هوا یوللری کونلیک اورتهچه 779 ته پروازنی عملگه آشیریب، اروپالیک رقیبلرینی آرتده قالدیردی.