تورکیه نینگ مطبوعات خلاصه لری
تورکیه نینگ مطبوعات خلاصه لری
ستار گزیته‌سی: تورکيه بو نینگ کوچلی قهرمانی سرلوحه سی بیلن خبر بیردی.
جهان ساغلیقنی سقلش تشکیلاتی باش مدیری تدروس آدنوم گبریزوس تورکيه‌گه مقتاو یاغدیردی و تورکيه نینگ 2021 - ییل نینگ خلق‌ارا طبي خادملر ییلی بولیشی نینگ «کوچلی قهرمانی» ایکنینی افاده ایتدی. ساغلیکنی سقلش وزیری فخرالدین کوجه هم تکلیف قیلینگن ییغیلیشده گبریزوس، تورکيه‌ده پاندیمي نینگ قیین بیر دوریده طبي خادملری نینگ ایملنیشیدن خرسند بولگنینی هم بیلدیردی. تورکيه قیلگن تکلیف اوستیدن 2021 - ییلنی، «طبي خادملر ییلی» دیب اعلان قیلدی.
حریت گزیته‌سی: ایکّله مملکت اورته‌سیده ینگی دور سرلوحه سی بیلن خبر بیردی.
تورکيه بیلن آذربایجان اورته‌سیده ویزه‌سیز تیزیم کیلیشووی توناون کونیدن اعتبارا کوچگه کیردی. تشقی ایشلر وزیری مولود چا‌ووش اوغلی هم، «جان آذربایجان بیلن بوندن بویان فقط‌گینه تذکره - کارت آرقه‌لی سیاحت قیلیش ممکن. یورتداشلریمیز و آذربایجانلیک قرداشلریمیز اوچون خیرلی بولسین» دیدی.
یینی شفق گزیته‌سی: مارچ آییده یوقاری صادرات گه ایریشیلدی سرلوحه سی بیلن خبر بیردی.
سودا وزیری رخسار پیکجا‌ن، «مارچ آییده‌گی صادرات 2020 - ییل نینگ خوددی شو آییگه نسبتاً 42.2 فایزگه آرتگن حالده 18 میلیارد 985 میلیون دالرگه ییتدی. بو آرقه‌لی اینگ یوقاری آیلیک صادرات رقمی قید ایتیلدی»دیدی.
خبر تورک گزیته‌سی: تورک اتوموبیل تشبثکار گروهیگه مشهور دیزاین لیدری سرلوحه سی بیلن خبر بیردی.
تورک اتوموبیل تشبثکار گروهی (TOGG)، والکسوا‌گن و بنزنینگ سابق باش دیزا‌ینری مراد گون آق نینگ دیزاین لیدری صفتیده گروهیگه قوشیلگنینی معلوم قیلدی.
صباح گزیته‌سی: تورک هوا یوللری بیر کونده اورته‌چه 755 اوچیش آرقه‌لی اروپاده‌گی لیدرلیگینی سقلب قالدی سرلوحه سی بیلن خبر بیردی.
اروپا هوا سیرو سفر خوفسیزلیگینی تأمینلش تشکیلاتی نینگ (EUROCONTROL)، 31 - مارچ کونگی اوچیش راپوری گه کوره تورک هوا یوللری بیر کونده اورته‌چه 755 اوچیش یولگه قویگن و بو آرقه‌لی اروپالیک رقیبلرینی آرتده قالدیرگن.
