تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک گزیتهسی: «ایردوغاندن تورکيهگه سرمایه کیریتیش چقیریغی» سرلوحهسی بیلن خبر بیردی.
خبرده یازیلیشیچه، تورکيه دولت باشلیغی رجب طیب ایردوغان تیلی، دینی، عرقیدن قطعي نظر، برچهنی تورکيهگه سرمایه کیریتیشگه چقیردی. جمهور رئیس نینگ تأکیدلشیچه، اوتمیشده تورکيهگه سرمایه کیریتگنلر حاضرگی کونده اوز محنتی نینگ ثمرهسینی کورماقده. بوندن کیین هم مملکتگه سرمایه کیریتگن خارجي سرمایه کیریتووچیلر تیز وقت ایچیده کتّه درآمدنی قولگه کیریتهدی.
وطن گزیتهسی: «اروپا بیرلیگیدن مهم تشریف» سرلوحهسی بیلن خبر بیردی.
خبرگه کوره، اروپا کینگش رهبری چرلیس میشل و اروپا کمیسیون رهبری اورسوله وان دیر لیین 6 اپریلده تورکيهگه تشریف بویورهدی. عالي مرتبهلی مهمانلر تورکيه دولت باشلیغی رجب طیب ایردوغان بیلن اوچرهشهدی. تأکیدلنیشیچه، اوّلگی اروپا بیرلیگی ییتکچیلری جلسه سیده اقتصادی، کوچ، جمعیتلررا مناسبتلر و توریزم کبی ساحهلرده تورکيه بیلن همکارلیکنی رواجلنتیریشگه کیلیشیب آلینگندی.
ستار گزیتهسی: «ایلغارلر نوبتگه توردی، تورکيه نینگ دستوریگه قوشیلماقچی» سرلوحهسی بیلن خبر بیردی.
خبرگه کوره، تورکيه فضا آژانسی رهبری سردار حسین یلدیرم 2028 ییل نینگ آخریگچه آیگه قونیب، بیر جهاز جایلشتیریشنی و او ییردن معلوماتلرنی تورکيهگه ییتکزیب توریشنی مقصد قیلگنلیگینی بیلدیردی. «جاپان، ختای، روسيه، اروپا مملکتلری و امریکا نینگ ییتکچی کمپنیلری بیزگه قونغراق قیلیب، اوشبو دستورگه قوشیلماقچی ایکنلیگینی بیلدیردیلر»،-دیدی.
یینی شفق گزیتهسی: «تورکيه 15 ییلده صادراتده یوقاری اوسیش کورستگیچ گه ایریشهدی» سرلوحهسی بیلن خبر بیردی.
خبرگه کوره، کروناویروس پاندیميسی شرایطیده ایشلب چیقریش صلاحیتینی آشیرگن تورکيه صادرات فعالیتلرینی توختاووسیز دوام ایتتیرماقده. مملکتده جوده کوپ سکتور اوچون کتّه امکانیتلر دوری باشلندی. کیلگوسی 15 ییلده صادرات حجمی کتّه درجهده آرتیشی کوزده توتیلماقده. بو اوسیش کورسهتگیچی اساسن 425 فایز بیلن مدافعه و اهواچیلیک صناعتی ساحهسیده عملگه آشیشی تخمین قیلینماقده.
صباح گزیتهسی: «تورکيه ینگی اولاد ایسینیش تکنالوژيسینی صادر قیلهدی» سرلوحهسی بیلن خبر بیردی.
خبرگه کوره، مرکزی انقرهده جایلشگن انرژی شرکتی کوریلمه گن ایسینیش تکنالوژيسینی ایشلب چیقردی. بور معدنیدن ننو تکنالوژی بیلن طبیعتگه ضررسیز تکنالوژي ایشلب چیقرگن شرکت اروپا نینگ اینگ کتّه قِسمیده 50 ییللیک ایسکی بنالرنی ایسیتیشگه امکانیت یرهتهدی. اوشبو شرکت نینگ نامی حاضرچه سِر کبی سقلنماقده. شرکت نینگ باشقروو کینگشی رهبرلریدن بیری مالک چاغلر نینگ تأکیدلشیچه، 10 ییلده 1 میلیارد دالرلیک تکنالوژي صادر قیلیش مقصد قیلینماقده.