تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیته سی: سیلجوق بیرقدار: اکینجی پت-3 نی آرتیقچه ییرده اوشلب تورالمهدیک سرلوحه سی بیلن خبر بیردی.
بایقر تخنیکي مدیری سلجوق بیراقدار، اجتماعي ترماق حسابیدن اکینجی پت - 3 نینگ ایلک اوچیشینی موفقیتلی روشده تماملهگنینی معلوم قیلدی. بیراقدار اونده، «اکینجی پت - 3 نی آرتیقچه ییرده اوشلب تورالمهدیک. بوگون ایلک اوچیشینی موفقیتلی روشده تماملهدی» دیدی.
صباح گزیتهسی: همسی بلیغی صادراتی 2021 - ییل نینگ ایکّی آییده 1.8 میلیون دالر درآمد آلیب کیلدی سرلوحه سی بیلن خبر بیردی.
تورکيهدن ییل نینگ ایکّی آییده دنیا نینگ 18 دولتیگه 1 میلیون 772 مینگ 458 دالرلیک همسی بلیغی صادر قیلیندی. بو بارهده بلجم، فرانسه و جرمني اینگ کوپ صادرات یولگه قوییلگن دولت رویخطی گه کیریتیلدی.
خبر تورک گزیتهسی: تورک اویینلری یوقاری بها آلدی سرلوحه سی بیلن خبر بیردی.
تورکلر نینگ گوگل پلایدهگی اویینلری، اویینسیورلریدن 3.94 نمره آلدی. اینگ یوقاری نمره ایسه 5 ایدی. پلاتفورمدهگی برچه مبایل اویینلرنینگ اورتهچه نمره سی ایسه 3.76 بولدی. بو آرقهلی محلي اویینلر دنیادهگی اورتهچه بهادن هم یوقاری بها آلدی.
یینی شفق گزیتهسی: تورک جراح خاص تکلیف بناءً اوزبیکستانگه باریب، 11 نفر بالهنی عملیات قیلدی سرلوحه سی بیلن خبر بیردی. (تورکيه نینگ چوروم ولایتیده جایلشگن) هیتیت نامیدهگی بیلیم یورتی نینگ طب فاکولتهسی رئیسی اورینباسری پروفیسور دوکتور چغتای ایوریم افشارلر، اوزبیکستانده 11 نفر بالهنی عملیات قیلدی. افشارلر اوزبیکستانده عملگه آشیرگن اوپراسیونلری آرقهلی، اوزبیک داکترلر بیلن اوز تجربهلرینی هم بولیشدی.
ستار گزیتهسی: تورکيه لیتونیا مسابقهسیگه تماشابینلر کیریتیلهدی سرلوحه سی بیلن خبر بیردی.
2022 فیفا جهان کپی اروپا قطعهسی سرهلش باسقیچی جی گروهی مسابقهسی ایرتهگه، 30 - مارچ هفته نینگ سهشنبه کونی استانبولدهگی «آتاتورک» ستدیومیده تورکيه - لیتونیا جماعهسی اورتهسیده بولیب اوتهدی. اوشبو مسابقه اوچون استدیوم نینگ 15 فایزیگه تماشابین قبول قیلینهدی.