تورکیه نینگ مطبوعات خلاصه لری
تورکیه نینگ مطبوعات خلاصه لری
وطن گزیته‌سی: «تورکيه جمهوریتی مرکزي بانک باشلیغی نینگ بیاناتی» سرلوحه‌سی بیلن خبر بیردی.
خبرگه کوره، تورکيه جمهوریتی مرکزي بانکی رهبری شهاب کاوجی اوغلی بیانات بیردی.
«تورکيه جمهوریتی مرکزي بانکی قانون اساسیده بیلگیلنگن خدمت و وظیفه‌لر دایره‌سیده اینفلاسیون نی دایمي روشده پسه‌ییشیگه ایریشیش نینگ اساسي مقصدیگه موافق، پول-کریدیت سیاستی واسطه‌لریدن ثمره‌لی فایده‌لنیشده دوام ایته‌دی»، دیدی.
حریت گزیته‌سی: «سَلده کولی اوچون سعی-حرکتلر باشلندی» سرلوحه‌سی بیلن خبر بیردی.
خبرگه کوره، تورکيه اطراف-محیط و آبادانلشتیریش وزیرلیگی قاشیده‌گی طبیعتنی قوریقلش بوییچه باشقرمه سی تورکيه نینگ بوردور ولایتیده جایلشگن سَلده کولینی یونسکو طبيعي میراث رویخطیگه کیریتیش اوچون ضرور سعی-حرکتلرنی باشله‌دی.
صباح گزیته‌سی:«خارجگه پروازلرده آرتیش کوزه‌تیلدی» سرلوحه‌سی بیلن خبر بیردی.
خبرگه کوره، بوتون دنیانی قمره‌ب آلگن کرونا‌ویروس پاندیمیسییدن کتّه ضرر کورگن سکتورلردن بیری هوا یولی بولدی. پاندیمي طفیلی آخرگی بیر ییلده کیسکین کمه‌ییب کیتگن خارج یونه‌لیشیده‌گی پروازلر استا‌نبولده‌گی صبیهه گوکچین قونلغه سیده تکرار جانلنه باشله‌دی.
یینی شفق گزیته‌سی:«تورکستاندن دستلبکی چیت ایل اوچیشی تورکيه‌گه باشلندی» سرلوحه‌سی بیلن خبر بیردی.
خبرگه کوره، تورکستان خلق‌ارا قونلغه سیدن بیرینچی خلق‌ارا پروازلر 176 یولاوچیگه ایگه بولگن فلای اریستان هوا یول شرکتی نینگ "ا-320" مودلده‌گی اوچاغی بیلن عملگه آشیریلدی. اوشبو یونه‌لیشده‌گی پروازلر سانی دستلب هفته‌ده 2 مرته، کیلگوسیده ایسه، هفته‌ده 7 مرته بولیشی ریجه‌لشتیریلگن.
خبر تورک گزیته‌سی: «دستلبکی ایکّی آیده 27 دولتگه عسل صادر قیلیندی» سرلوحه‌سی بیلن خبر بیردی.
خبرگه کوره، جاري ییل نینگ دستلبکی ایکّی آییده تورکيه‌دن 27 دولتگه 4 میلیون 143 مینگ 579 دالرگه تینگ عسل صادر قیلیندی. اینگ کوپ عسل صادر قیلینگن دولتلر جرمني (1 میلیون 304 مینگ 114 دالر)، امریکا قوشمه ایالتلریگه (1 میلیون 148 مینگ 989 دالر)، کو‌یت (215 مینگ 537 دالر) بولدی.
