تورکیه نینگ مطبوعات خلاصه لری

حریت گزیته‌سی: «انسانیتگه قرشی جنایت دیب بهاله‌یمن» سرلوحه‌سی بیلن خبر بیردی.

خبرده یازیلیشیچه، تورکيه دولت باشلیغی رجب طیب ایردوغا‌ن 8- مارچ خلق‌ارا خاتین-قیزلر کونیی مناسبتی بیلن برچه‌ عیاللرنی تبریکله‌دی. «سیوگیسی، فداکارانه‌ محنتی بیلن بوتون انسانیتگه امید بولگن برچه‌ عیاللریمیزنی، مونس آنه‌خانلریمیزنی 8 مارچ خلق‌ارا خاتین-قیزلر کونی مناسبتی بیلن تبریکله‌یمن! اوشبو کون مناسبتی بیلن دنیاده عیاللرگه نسبتاً خشونت و شفقتسیزلیکنی قاره‌له‌یمن!»،-دیدی.

ستار گزیته‌سی: چاووش اوغلی «اوزبیکستانده بیرینچی بولیب ایلچیخانه‌ آچگن دولت بیز بولدیک» سرلوحه‌سی بیلن خبر بیردی.

خبرده یازیلیشیچه، تورکيه تشقی ایشلر وزیری مولود چاووش اوغلی اوزبیکستان نینگ سمرقند شهریده تشکیل ایتیلگن تورکيه باش قونسوللیگی نینگ رسمي آچیلیش مراسمیده اشتراک ایتدی. «تورکيه باش قونسوللیگی تورکلرنینگ آته‌ یورتی بولگن اوزبیکستان بیلن دایمي قرداشلیگیمیزنینگ رمزی بوله‌دی. اوزبیکستاننی بیرینچی بولیب تن آلگن دولت تورکيه جمهوریتی ایدی، اوزبیکستانده ایلچیخانه‌ آچگن ایلک دولت هم بیز بولدیک»،-دیدی مولود چاووش اوغلی.

یینی شفق گزیته‌سی: «بایدن حکومتی طالبان و افغانستان حکومتی اورته‌سیده‌گی مذاکره‌لر اوچون تورکيه‌دن یاردم سوره‌یدی» سرلوحه‌سی بیلن خبر بیردی.

خبرگه کوره‌، امریکا قوشمه ایالتلری تشقی ایشلر وزیری انتونی بلینکین افغانستان دولت باشلیغی اشرف غنی گه یوللگن مکتوبیده تورکيه‌دن افغانستان حکومتی و طالبان اورته‌سیده‌گی مذاکره‌لرگه میزبانلیک قیلیشینی التماس قیلیشینی یازدی.

وطن گزیته‌سی: «تورک هوا یول و استا‌نبول قونلغه سی دنیا بوییچه‌ لیدرلیگینی دوام ایتتیرماقده» سرلوحه‌سی بیلن خبر بیردی.

خبرگه کوره‌، یورو کنترول تشکیلاتی نینگ راپوریگه کوره‌، تورک هوا یوللری 1 فبروری-6 مارچ کونلری کونلیک اورته‌چه 581 ته اوچیش عملگه آشیرگن حالده، رقیبلرینی آرتده قالدیردی. عینِ وقتده استا‌نبول قونلغه سی هم دنیاده‌گی اینگ گوجوم قونلغه دیب تاپیلدی.

صباح گزیته‌سی: «آیگه سیاحت اوچون مراجعتلر رویخطیده تورکيه 4-ا‌ورینده» سرلوحه‌سی بیلن خبر بیردی.

خبرگه کوره‌، سپیکس کمپنیسی واسطه‌سیده آیگه 8 کیشینی آلیب باریشینی اعلان قیلگن جاپانلیک میلیونر یوسا‌کی ما‌یزا‌وا 239 دولتدن 500 مینگدن آرتیق مراجعت کیلیب توشگنینی معلوم قیلدی. اوشبو رویخطده تورکيه 4-ا‌وریننی ایگلّه‌ماقده. رویخطده بیرینچی ا‌ورینده هندوستان، ایکّینچی ا‌ورینده امریکا قوشمه ایالتلری و اوچینچی ا‌ورینده ایران ا‌ورین آلگن.