تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیتهسی: «ایردوغان انسان حقلری بوییچه حرکتلر ریجهسینی اعلان قیلدی» سرلوحهسی بیلن خبر بیردی.
خبرده یازیلیشیچه، تورکيه جمهور باشلیغی رجب طیب ایردوغان انسان حقلری بوییچه حرکتلر ریجهسینی اعلان قیلدی. «اوزیگه مستقل و کوچلی جمعیت، ینه هم دموکراتیک تورکيه» دیب اتلگن حرکتلر ریجهمیز 11 اساسدن عبارت. بو جریان نتیجهسیده 9 مقصد ، هدف (50) و بیلگیلنگن فعالیتلر (393) اوز ایچیگه آلگن حجتلر توپلمی حاصل بولدی. اوشبو حرکتلر ریجهسی 2 ییل ایچیده تیارلندی»،-دیدی تورکيه جمهور باشلیغی.
ستار گزیتهسی: «تورکيه نینگ یاردمینی هیچ قچان اونوتمهیمیز!» سرلوحهسی بیلن خبر بیردی.
خبرگه کوره، توناون کونی آذربایجان مدنیت وزیری انار کریموف «قرداش تورکيه نینگ یاردمینی نهفقط تاغلی قارهباغ اوروشیده، بلکه بوتون تاریخ مابینیده قلبیمیزده حس قیلدیک. 100 ییل اوّل هم قفقاز اسلام قوشینی بیلن بیرگه آذربایجاننی، باکونی اشغالدن قوتقرگندیک. منه تاغلی قارهباغنی هم سیز نینگ یاردمینگیز بیلن اشغالدن قوتقردیک. تورکيه دولتیگه و قرداشلریمیزگه منّتدارلیک بیلدیرهمیز. یاردمینگیزنی هیچ قچان اونوتمهدیک و اونوتمهیمیز!» دیب ایتگن.
وطن گزیتهسی: «فبروری آییده صادرات حجمیده یوقاری کورستگیچ» سرلوحهسی بیلن خبر بیردی.
خبرگه کوره، تورکيه سودا وزیری روخسار پیکجان فبروری آییگه دایر صادرات کورستگیچیگه اعتبار قرهتدی. «جاري ییل نینگ فبروری آییده صادراتیمیز 9.6 فایز اوسیش بیلن 16 میلیارد 12 میلیون دالرنی تشکیل قیلدی. نتیجهده، شو کونگچه فبروری آیی نینگ اینگ یوقاری کورستگیچیگه ایریشگن بولدیک»، دیدی.
صباح گزیتهسی: «تورک درانی سیهه امریکا قوشمه ایالتلری مطبوعاتی نینگ باش صحیفهلریده» سرلوحهسی بیلن خبر بیردی.
خبرگه کوره، تورکيه نینگ اینیقسه اوچووچیسیز هوا واسطهلری بولمیش ایهه درانی و قوراللی درانی سیهه جهان مطبوعاتی نینگ دقّتینی اوزیگه جلب ایتماقده. امریکا مطبوعاتیده ینه تورک قوراللی درانلری حقیده خبر چاپ ایتیلدی. «دیفینسی نیوز» تامانیدن چاپ ایتیلگن خبرده تورک قوراللی درانلری حقیده ایجابي سوزلر یازیلدی.
حریت گزیتهسی: «استانبول قونلغه سی اروپا بوییچه ییتکچیلیک قیلماقده» سرلوحهسی بیلن خبر بیردی.
خبرگه کوره، اروپا سیرو سفر تشکیلاتی جاري ییل نینگ 22-28 فبروری کونلرینی اوز ایچیگه آلگن حساباتیده، کونلیک اورتهچه پروازلر سانی بوییچه اوتگن هفته اروپا مقیاسیده اینگ گوجوم قونلغه استانبول قونلغه سی دیب تاپیلگنینی معلوم قیلدی. استانبول قونلغه سی کونده 501 پروازنی عملگه آشیریب، اروپا بوییچه ایلک اوریننی ایگللهدی.