تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیتهسی: «تورکيهده قرنطین چیکلاولری یومشه تیلدی» سرلوحهسی بیلن خبر بیردی.
خبرده یازیلیشیچه، تورکيه جمهور باشلیغی رجب طیب ایردوغان کروناویروسگه قرشی کورهشگه بغیشلنگن وزیرلر کینگشی ییغیلیشیدن سونگ بیانات بیردی.
ایردوغان نینگ تأکیدلشیچه، تورکيهده 81 ولایت نینگ کروناویروسگه چلینیش حالتیگه کوره، 4 گروپ گه بولیندی. بونگه کوره، آست و اورته خوفگه ایگه ولایتلرده دَم آلیش کونلری محدودلش ساعتی تولیق بیکار قیلینهدی، یوقاری و اوته یوقاری خوفگه ایگه حدودلرده ایسه فقط یکشنبه کونی اویدن چیقیش چیکلنهدی.
صباح گزیتهسی: «خزینه و مالیه وزیری لطفی ایلوان تورکيه اقتصادیدهگی اوسیش درجهسینی بهالهدی» سرلوحهسی بیلن خبر بیردی.
خبرگه کوره، تورکيه اقتصادی 2020 ییلده 1.8 فایز، 2019 ییل نینگ سونگگی چارهگیده ایسه 5.9 فایز رواجلندی. «گلوبال پاندیمي طفیلی قیین شرایطنی باشیدن اوتکزگن 2020 ییلنی اوسیش کورستگیچی بیلن یکونلهگن نادر دولتلردن بیری بولدیک»،-دیدی.
خبر تورک گزیتهسی: «تورکيهده ایشلب چیقریلگن الکتریکلی کیمه نارویده سیناودن موفقیتلی اوتدی»
خبرگه کوره، ناروی نینگ تورکيهدهگی فوق العاده ایلچیسی ایرلینگ سکجانسبیرگ انترنیت ترماقلریده تورکيهده ایشلب چیقریلگن الکتریکلی کیمه نینگ ویدیو تصویرلرینی اعلان قیلدی. «تورکيهده ایشلب چیقریلگن دنیا نینگ اینگ کینگ حجملی الکتریکلی کیمه نب42 ناروی سوولریده سیناودن موفقیتلی اوتدی»،-دیدی.
ستار گزیتهسی: «فرانسه محصولاتلریگه قرشی چیکلاو کمپاینی کوزلنگن مقصدگه ایریشدی» سرلوحهسی بیلن خبر بیردی.
خبرگه کوره، جهان مسلمان عالِملر اتفاقی اعضاسی شَیخ صغیر فرانسه محصولاتلریگه قرشی چیکلاو کمپاینی اوز کوچینی کورسهتگنلیگینی بیلدیریب، تورکيه و پاکستان نینگ بونگه مناسبتی اوچون ایکّله مملکت ییتکچیلریگه منّتدارلیک بیلدیردی.
وطن گزیتهسی: «سَلده کولی اوچون یونسکوگه دنیا طبيعي میراثیگه مراجعت قیلیندی» سرلوحهسی بیلن خبر بیردی.
خبرگه کوره، تورکيه نینگ بوردور ولایتی ییشیلاوه تومنیده جایلشگن سَلده کولی نینگ دنیا طبيعي میراثی دیب تن آلینیشی اوچون یونسکوگه مراجعت قیلیندی. سَلده کولی محافظه قیلیش جمعیتی تامانیدن بیریلگن مراجعتنامهده، کول نینگ محافظه قیلینیشی کیرهکلیگی قید ایتیلیب، اونینگ ایکولوجیک و علمي جهتدن اهمیتیگه اعتبار قرهتیلدی.