تورکیه نینگ مطبوعات خلاصه لری
تورکیه نینگ مطبوعات خلاصه لری
صباح گزیته‌سی: «بیر تامچی قان نینگ جوابی هم سوره‌له‌دی» سرلوحه‌سی بیلن خبر بیردی.
خبرده یازیلیشیچه، تورکيه جمهور باشلیغی رجب طیب ایردوغا‌ن عدالت و ترقیات حزبی نینگ 2-کنگرسیده معروضه قیلدی. «تروریزمگه قرشی کوره‌شیمیز اوز ثمره‌سینی بیره باشله‌دی. قاله‌ویرسه، ترور گروهلری صفیگه قوشیلگنلر سانیده جدّي پسه‌ییش کوزه‌تیلدی. مملکتیمیز بیردملیگی گه رخنه ساله‌یاتگن خایینلردن، توککن بیر تامچی قان نینگ هم جوابی سوره‌له‌دی»،-دیدی.
حریت گزیته‌سی: «مودیس تورکيه نینگ اوسیش تخمینلرینی یوقاری پاغانه‌گه کوتردی» سرلوحه‌سی بیلن خبر بیردی.
خبرگه کوره، خلق‌ارا کریدیت درجه‌لنتیریش تشکیلاتی مودیس تورکيه نینگ 2021 ییلده اوسیش تخمینینی 3.5 فایزدن 4 فایزگه، 2022 ییلگه عاید تخمینلرنی ایسه 4 فایزدن 5 فایزگه کوتردی.
یینی شفق گزیته‌سی: «استانبول قونلغه سی خلق‌ارا قونلغه لر کینگشی نینگ اقیم - عقللی قونلغه لر رویخطیگه کیریتیلدی» سرلوحه‌سی بیلن خبر بیردی.
خبرگه کوره، استانبول قونلغه سی (Airport Carbon Accreditation) خلق‌ارا قونلغه لر کینگشی تامانیدن بیریلگن بیرینچی درجه‌لی کاربون سرتیفیکیتینی آلیشگه موفق بولدی.
ستار گزیته‌سی: «کلیاپتره پلاژی اروپا نینگ اینگ یخشی پلاژلری رویخطیگه کیریتیلدی» سرلوحه‌سی بیلن خبر بیردی.
خبرگه کوره، جهان مقیاسیده میلیونلب انسان تامانیدن توریستیک مؤسسه‌لر کوزدن کیچیریلگن خلق‌ارا انترنیت سایتیده ا‌ورین آلگن رییتینگده 2021 ییل نینگ اینگ یخشی پلاژلری رویخطی اعلان قیلیندی. تورکيه نینگ انتا‌ليا شهریده‌گی کلیاپتره پلاژی اوشبو رویخطدن ا‌ورین آلدی.
خبر تورک گزیته‌سی: «تورکيه 2021 ییلده هم روس سیاحلر اعتباریده بوله‌دی» سرلوحه‌سی بیلن خبر بیردی.
خبرگه کوره، روسيه شرکتی «یاندیکس تراویل» روسيه‌ده تخمیناً 10 مینگ کیشی اشتراکیده آلیب بارگن تیکشیروو‌ده، اشتراکچیلر نینگ 68 فایزی جاري ییلده هم تورکيه‌ده دَم آلیش ایسته‌گینی بیلدیردی.
