تورکیه نینگ مطبوعات خلاصه لری

تورکیه نینگ مطبوعات خلاصه لری

1590066
تورکیه نینگ مطبوعات خلاصه لری

حریت گزیته‌سی: «تورکيه کرونا‌ویروسگه قرشی ایملش بوییچه‌ دنیاده 7-ا‌ورینده» سرلوحه‌سی بیلن خبر بیردی.

خبرده یازیلیشیچه، دنیاده گلوبال پاندیمی‌گه قرشی ایملش جریانی 13 دسامبرده باشلندی. تورکيه‌ده ایسه 14 جنوریدن باشلب کرونا‌ویروسگه قرشی ایملش باشلندی. تورکيه شو کونگچه دنیاده کرونا‌ویروسگه قرشی اینگ کوپ وا‌کسین قبول قیلگن 7-دولت صفتیده اروپا اتفاقی مملکتلرینی آرتده قالدیردی. 14 جنوریدن بویان تورکيه‌ده 6.5 میلیون کیشی کرونا‌ویروسگه قرشی ایملندی. بو توپلم اهالی نینگ 7.75 فایزینی تشکیل قیله‌دی.

 

وطن گزیته‌سی: «تورکيه‌دن تیارمیز سوزی» سرلوحه‌سی بیلن خبر بیردی.

خبرگه کوره‌، تورکيه تشقی ایشلر وزیری مولود چاووش اوغلی تورکمنستان طبيعي گازینی تورکيه آرقه‌لی اروپاگه ییتکزیش اوچون تورکيه ذمّه‌سیگه توشگن مسوولیتنی بجریشگه تیارلیگینی بیلدیردی.

 

صباح گزیته‌سی: «تورک هواچیلیک تاریخیده ریکارد» سرلوحه‌سی بیلن خبر بیردی.

خبرگه کوره‌، تورکيه‌ نینگ بیرینچی ملي قوراللی درانی «بیرا‌کدر تب2» 300 مینگ ساعت پروازینی موفقیتلی یکونلب، تورک هواچیلیک تاریخیده ینگی ریکاردنی قولگه کیریتدی. نتیجه‌ده اوشبو مودلده‌گی هوا واسطه‌لری ایچیده آسمانده اینگ کوپ وقت پرواز قیلگن ملي هوا واسطه‌سی صفتیده تن آلیندی. توختاووسیز 300 مینگ ساعت پرواز قیلیش قابلیتی گه ایگه‌ بولگن قوراللی دران 34 ییل تینیمسیز اوچیش کوچیگه ایگه‌.

 

ستار گزیته‌سی: «تورکيه کمکیده حربي کیمه‌ قوره‌دی» سرلوحه‌سی بیلن خبر بیردی.

خبرده یازیلیشیچه، هندوستان دولت کیمه‌سازلیک فابریکه سی تورکيه‌دن تکنالوژي‌ تأمینلش آرقه‌لی دینگیز فلوتی اوچون کیمه‌ قوریش اوچون تیارگرلیکنی باشله‌دی. مذکور پروزه‌ نینگ قیمتی 1.5 یاکه 2 میلیارد دالرگه تینگ.

 

یینی شفق گزیته‌سی: «تورکيه‌گه سیاحت اوچون تور پکیجی سوداسیده آرتیش کوزه‌تیلدی» سرلوحه‌سی بیلن خبر بیردی.

خبرگه کوره‌، انگلستانده 8 مارچدن باشلب نورما‌ل حیاتگه قَیتیش ریجه‌سی جاري ایتیلیشی بیلن خارجده دَم آلیش اوچون تور اوپیرا‌تورلریدن تعطیل ساتیب آلیش حجمی 630 فایزگه آشدی. معلوماتگه کوره‌، انگلستان‌لیکلرنینگ اکثریتی دَم آلیش اوچون تورکيه‌نی مناسب کورماقده.

 



علاقه لی ینگی لیکلر