تورکیه نینگ مطبوعات خلاصه لری

خبر تورک گزیته‌سی: «ایردوغان: مرحله – مرحله نورماللشوو» سرلوحه‌سی بیلن خبر بیردی.

جمهور باشلیغی رجب طیب ایردوغان، وزیرلر کینگشی نینگ ارتیدن بیرگن بیاناتده "ولایتلریمیزنی وزیرلریمیز اییرگن صنفلرگه کوره 4 کروپ قیلیب مارچ آیی نینگ باشیدن مرحله – مرحله نورماللشوو جریانینی باشله ته میز" دیدی. ایردوغان وزیرلر کینگشی نینگ ارتیدن بیرگن بیاناتده شولرنی ایتدی. "ینه بیر مدت صبر قیلیب ینه بیر آز فداکارلیک قیلیش بیلن بو فلاکتدن قوتیلیش گه قره ب باره میز" دیب گپیردی.

یینی شفق گزیته سی: انگلستان مطبوعاتی تورک قوراللی اوچووچیسیز هوا واسطه‌سیگه مقتاو یاغدیردی سرلوحه سی بیلن خبر بیره دی.

 انگلستان مطبوعاتی تورک قوراللی اوچووچیسیز هوا واسطه‌سینی کون ترتیبیگه آلیب چیقیشنی دوام ایتتیرماقده. تیلگرا‌ف گزیته‌سی، اینیقسه‌ آذربایجان تامانیدن تاغلی قاره‌باغده قولگه کیریتیلگن موفقیت نینگ آرتیده تورکيه‌ نینگ قوراللی اوچووچیسیز هوا واسطه‌سی بارلیگینی قید ایتدی.

ستار گزیته‌سی: یونان، انسانلرگه قرشی جنایتگه قول اوریشنی دوام ایتتیرماقده سرلوحه سی بیلن خبر بیردی.

 ملي مدافعه‌ وزیرلیگی یونان تامانیدن تیلفونلری و پوللری آلیب قوییلگن، زوراوانلیک بیلن ناقانوني یوللر آرقه‌لی تورکيه‌گه دیپورت قیلیشگه اورینیلگن و موزلش خوفی آستیده قالگن مهاجرلر نینگ قوتقریلگنینی بیلدیردی. 

صباح گزیته‌سی: ترانسپورت و زیربنا وزیری قاره اسماعیل اوغلیدن تورکسات 5A بیاناتی. ترانسپورت و زیربنا وزیری عادل قاره اسماعیل اوغلی فضاگه اوچیریلگن تورکسا‌ت 5A حقیده بیرگن بیاناتیده، «صنعي یولداشیمیزنینگ برچه‌ قویی تیزیملری معماسیز روشده ایشله‌ماقده. او فضاده گی جاییگه ییتیب بارگچ، جاییده تیست قیلینه‌دی. جون آییدن اعتباراً تسلیم آلینیب، ایشلش گه باشله‌یدی». - دیگن افاده‌لرگه ا‌ورین بیردی. 

حریت گزیته‌سی: تورکيه جنوری آییده اینگ کوپ خلق‌ارا ترا‌نسفر قید ایتگن دنیا نینگ تورتینچی دولتی بولدی سرلوحه سی بیلن خبر بیردی.

FIFA فیفا جنوری آییده اینگ کوپ خلق‌ارا ترا‌نسفر بیلن تیگیشلی استاتیستیک راپوری اورین آلگن 2021 اورته ترانسفر باسقیچی راپورینی ترقه تدی.  فیفا راپوریگه کوره‌ بو دورده اسپانیا‌ 145، پورتگاليه 143، انگلستان 140، تورکيه 123 خلق‌ارا ترانسفرگه قول قویدی.