تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیتهسی: جمهور باشلیغی ایردوغان امریکا قوشمه ایالتلرینی تنقید قیلدی سرلوحه سی بیلن خبر بیردی.
جمهور باشلیغی رجب طیب ایردوغان توناون بیرگن بیاناتیده، پ ک ک ترور تشکیلاتی تامانیدن عراق نینگ شِمالیدهگی غارا منطقهسیده، 13 نفر تورک فقراسی نینگ شهید قیلینیشیگه هیچ قندهی مناسبت بیلدیرمهگن امریکا قوشمه ایالتلری گه اعتراض بیلدیریب، «خوش، سیز پ ک ک نینگ، و پ ج نینگ، پ ی د نینگ یانیده ایمسدینگیز. آچیق - آیدین، اولر یانیده و آرقهسیدهسیز» دیدی.
ستار گزیتهسی: امریکا قوشمه ایالتلری نینگ انقرهدهگی ایلچیسی ستتیرفییلد، تشقی ایشلر وزیرلیگی گه چقیریلدی سرلوحه سی بیلن خبر بیردی.
تشقی ایشلر وزیرلیگی، امریکا قوشمه ایالتلری پ ک ک ترور تشکیلاتی قتل عامی حقیدهگی بیاناتیگه قرشی اعتراض نینگ «اینگ کیسکین روشده» ییتکزیلگنینی بیلدیردی. وزیرلیک تامانیدن بیریلگن بیاناتده، «امریکا قوشمه ایالتلری ایلچیسی داوید ستتیرفییلد وزیرلیگیمیزگه چقیریلیب، اعتراضیمیز اینگ کیسکین روشده ییتکزیلدی» دیگن افادهلرگه اورین بیریلدی. (امریکا قوشمه ایالتلری تشقی ایشلر وزیرلیگیدن عراق نینگ غارا منطقهسیده پ ک ک ترور تشکیلاتی تامانیدن 13 نفر تورک فقراسی نینگ شهید قیلینیشی حقیدهگی بیاناتده، تورک فقرالری نینگ پ ک ک ترور تشکیلاتی قولیده اولگنی حقیدهگی معلومات اگر توغری بولسه اونده بو حرکتنی کیسکین قارهلهیمیز». - دیگن افادهلرگه اورین بیرگندی. )
صباح گزیتهسی: مولود چاووش اوغلی امریکالیک کسبداشی بلینکین بیلن اوچرهشدی.
تشقی ایشلر وزیری مولو چاووش اوغلی توناون امریکالیک کسبداشی انتونی بلینکین بیلن تیلفون آرقهلی ملاقات قیلدی. اوزارا مناسبتلر و تروریزمگه قرشی کورهش مسألهلری قولگه آلینگن اوچرهشووده بلینکین چاووش اوغلیگه، شهید قیلینگن 13 نفر تورک فقراسی اوچون تعزیه اظهار ایتیب، بوندن پ ک ک ترور تشکیلاتینی جوابگر دیب تاپدی.
وطن گزیتهسی: ملي راستخبارات تشکیلاتیدن فتو عملیاتی سرلوحه سی بیلن خبر بیره دی. قاچیب یورگن فتح للهچی ترور تشکیلاتی (فتواعضالریدن گوربوز سیویلای و تامر اوجی، ملي استخبارات تشکیلاتی عملیاتی آرقهلی اوزبیکستاندن تورکيهگه آلیب کیلیندی. گوربوز سیویلای نینگ عراق و سوريهده پ ک ک/ ک ج ک – پ ی د/ ی پ گ – س د گ ترور تشکیلاتیگه قورال ییتکزیب بیرگنی و تشکیلات ییتکچیلری بیلن اوچرهشگنی انیقلندی.
خبر تورک گزیتهسی: مسعود اوزیل قول قویگن کییم ریکارد اورنهتدی سرلوحه سی بیلن خبر بیردی.
مسعود اوزیل نینگ فنرباغچه گه ترنسفیر قیلینیشی آرتیدن اویوشتیریلگن قول قوییش مراسمیده مخصوص تیارلنگن و اوزیل تامانیدن قول قوییلگن 3 ته کییم توپلم 36 مینگ 50 یوروگه ساتیلدی. چیزیقلی کییم، 26 مینگ یور بیلن بوگونگچه ساتیلگن کییمالر آرهسیدن اینگ قیمت بهاگه ساتیلیب، ریکارد اورنهتدی.