تورکیه نینگ مطبوعات خلاصه لری
تورکیه نینگ مطبوعات خلاصه لری
صباح گزیتهسی: «تورکيه کوید-19گه قرشی اینگ کوپ ایملهگن 10 دولت قطاریگه کیردی» سرلوحهسی بیلن خبر بیردی.
خبرده یازیلیشیچه، تورکيه پاندیمي شرایطیده نهفقط شفاخانه خدمتلری بیلن، بلکه کروناویروسگه قرشی تیزکار ایملشنی عملگه آشیریش بیلن هم دنیاگه اورنک بولدی. تورکيه کوید-19گه قرشی اینگ کوپ ایملهگن 10 دولت قطاریگه کیردی.
یینی شفق گزیتهسی: «تورکيه- اروپا بیرلیگی مناسبتلریده ایجابي محیطنی یرهتیش اوته مهم» سرلوحهسی بیلن خبر بیردی.
خبرگه کوره، بروکسیلده اروپا بیرلیگی ملازملری بیلن اوچرهشگن تورکيه تشقی ایشلر وزیری مولود چاووش اوغلی: «تورکيه- اروپا بیرلیگی مناسبتلریده ایجابي محیط یرهتیلیشی اوته مهم. بونی دوام ایتتیریش اوچون انیق قدم تشلش ضرور»،-دیدی.
ستار گزیتهسی: «آلبانيادن ایردوغهنگه چیکسیز حرمت افادهسی» سرلوحهسی بیلن خبر بیردی.
خبرگه کوره، آلبانياده بیر موسیقی گروهی تورکيه دولت باشلیغی رجب طیب ایردوغانگه اتب کوی تیارلهدی. یوتوبده نمایش قیلینگن کلیبده تورکيه دولت باشلیغی ایردوغهن و تورک خلقی نینگ آلبانياگه کورستهیاتگن یاردملری عکس ایتتیریلگن، شونینگدیک لاچ و کوربین شهریده زلزلهدن سونگ انشا ایتیلگن اویلر همده فییرده قوریلهدیگن شفاخانه تصویرلری عکس ایتتیریلگن.
وطن گزیتهسی: «بیراقدار و انکه یقینده اروپا سمالریده» سرلوحهسی بیلن خبر بیردی.
خبرگه کوره، تورکيه صنایع و تکنالوژي وزیری مصطفی ورهنک اینیقسه آخرگی 5 ییلده عملگه آشیریلگن سرمایه کیریتیشلر تورکيهنی کوپ اوتمهی، ییریک مدافعه صنایعی گه ایگه مملکتلر قطاریگه کیریتیشینی بیلدیردی. «ایشانچیم کامل کی، اروپا سمالریده تورکيهدن خرید قیلینگن «بیراقدار» و «انکه» تکنالوژيلری پرواز قیلگنلیگینی کورهمیز»،-دیب ایتگن مصطفی ورهنک.
خبر تورک گزیتهسی: انرژی و طبیعی منبعلر وزیری «شو کونگچه تناپ پایپ لاینیدن تخمیناً 9.1 میلیارد متر مکعب طبيعي گاز ییتکزیلدی» سرلوحهسی بیلن خبر بیردی.
خبرگه کوره، تورکيه انرژی و طبيعي منبعلر وزیری فاتیح دونمیز تورکيه بیلن آذربایجان اورتهسیده انرژی بوییچه همکارلیک مهم ایکنینی تأکیدلب، «2020 ییلده تناپ لاینيدن 4.9 میلیارد متر مکعب طبيعي گاز ییتکزیلدی. بو مقدار شو کونگچه تخمیناً 9.1 میلیارد متر مکعبنی تشکیل قیلدی»،-دیدی.