تورکیه نینگ مطبوعات خلاصه لری
تورکیه نینگ مطبوعات خلاصه لری
صباح گزیتهسی: ایردوغان، اروپا اتفاقی ایلچیلری بیلن بولیب اوتگن ییغیلیشده مهم بیاناتلر بیردی سرلوحه سی بیلن خبر بیردی
دولت باشلیغی رجب طیب ایردوغان توناون اروپا اتفاقی ترکیبیدهگی دولتلر نینگ انقرهدهگی ایلچیلری بیلن بولیب اوتگن ییغیلیشده یوناننی بحراننی آرتتیریشدن واز کیچیشگه چقیردی و بو حقیده: «شرقي اورته ییر دینگیزینی رقابت ساحهسیگه ایمس، اوزاق مدتلی منفعتیمیزگه خدمت قیلهدیگن همکارلیک حوضیگه ایلنتیریشیمیز درکار» دیدی.
خبر تورک گزیتهسی: تشقی ایشلر وزیری مولود چاووش اوغلیدن اروپا اتفاقی حقیده بیانات سرلوحه سی بیلن خبر بیرماقده
تشقی ایشلر وزیری مولود چاووش اوغلی توناون اروپا اتفاقی ترکیبیدهگی دولتلر نینگ تورکيهدهگی ایلچیلری بیلن اویوشتیریلگن ییغیلیشده اشتراک ایتدی و اونده، «اصلاحات کون ترتیبیده قراریمیز قطعيدیر. اروپا اتفاقی بیزنی قوللب - قوّتلشی لازم. کیلهجگیمیزنی اروپاده تصور قیلیهپمیز و بونی بیرگهلیکده یرهتیش نیتیدهمیز» دیگن افادهلرگه اورین بیردی.
وطن گزیتهسی: ملي تیک اوچر ماشینی موفقیتلی روشده ایشگه توشیریلدی.
بیرینچی محلي تیک اوچر گوکبیی گه جایلشتیریلهدیگن ملي تیک اوچر ماشینی TEI-TS1400 نینگ بیرینچی پراتاتیپی «TS3» آرتیدن «TS4» هم موفقیتلی روشده ایشگه توشیریلدی.
ستار گزیتهسی: تورکيه نینگ میوه دیپوسی شرقي اورته ییر دینگیزی مالته باب میوهلری صادراتیده ریکارد اورنهتدی.
تورکيه نینگ مالته باب میوهلری صادراتی نینگ 71 فایزی یولگه قوییلگن مملکت نینگ میرسین، هاتای و ادانا ولایتیدن اوتگن ییلی 661 میلیون 787 مینگ دالرلیک مالته باب میوهلری صادر قیلیندی.
حریت گزیتهسی: اوّلاً بار خاقان چالخان اوغلی، ایندیلیکده یوسوف یازیجی.
تورک فوتبالچیلر اروپاده موفقیت قولگه کیریتیشنی دوام ایتتیرماقده. ایتالياده خاقان چالخان اوغلی نینگ دسامبر آیی نینگ فوتبالچیسی مکافاتیگه سزاوار دیب تاپیلیشی آرتیدن بو گل یوسوف یازیجی، فرانسه کون ترتیبیده. فرانسه 1 - فوتبال لیگی جماعهلریدن لیللده اوینه گن ملي فوتبالچی، ملي پرافیشن فوتبالچیلر اتفاقی (UNFP) تامانیدن دسامبر آیی نینگ فوتبالچیسی مکافاتیگه نامزاد ایتیب کورسهتیلدی. دسامبر آیی فوتبالچیسی، اتفاق نینگ انتیرنیت سایتی آرقهلی بیریلگن آوازلر یاردمیده تنلب آلینهدی.