ترکیه مطبوعاتی دن خلاصه لر ۱۰.۱۱.۱۳۹۳

ستار روزنامه سی, ترکیه جمهوریتی جمهوررئیسی رجب طیب اردوغان نینگ ارمنی قیرغینی ادعا لری بیلن علاقه لی ایریم بیانات لر بیرگن لیگی نی بیلدیرماقده.
خبرده, اردوغان نینگ, "ارمنی لوبی سی هر دایم جنجال چیقاریش گه حرکت ایتماقده. ترکیه بیلن جنجال قیلیب اوشبو پروسه نی دوام ایتتیریش گه اینتیلماقده. ایریم تمان لرنینگ طلبی گه بناً بیز ارمنی قیرغینی نی قبول ایتیش گه مجبور ایمس میز. اوشبو ایش لر نینگ همه سی نی تاریخچی لر گه تاپشیریلیک, اولر راپور لری نی تیارله سین لر. کیین چه لیک بیز سیاستچی لرنینگ موضوع بیلن علاقه مذاکره ایتیشی میز ممکن" دییه قید ایتگن لیگی ایسله تیلماقده.
آقشام روزنامه سی, افریقا بیلن علاقه لی سیاست لری دایره سیده ترکیه نینگ سومالیا گه قیلگن یاردم لری نینگ اوروپا نینگ هم اینگ مهم آجنداسی نی تشکیل ایتگن لیگی نی قید ایتماقده.
خبرده, ترکیه نینگ اینگ کوپ یاردم ایتگن افریقا اولکه سیدن عبارت سومالیا نینگ دولت رهبری حسن شیخ محمد نینگ سویس ده باسیلیب چیقه دیگن نیو زویخر زایتونگ روزنامه سی بیلن مصاحبه قیلگن لیگی بیلدیریلماقده.
روزنامه, اوشبو مصاحبه سیده ترکیه نی مخته گن سومالیا دولت رهبری نینگ, "حکومت گه قرشی اوروشیتگن الشباب نی ترکیه نینگ همکارلیگی بیلن اوزاق لشتیردیک. سومالیا ده فقط گینه ترک یاردم موسسه لری قالیش جسارتی گه ایگه خلاص" دییه قید ایتگن لیگی نی بیلدیرماقده.
وطن روزنامه سی, یونان ده وقتی دن آلدین بولیب اوتگن عمومی سیلاو لر نتیجه سیده باش وزیر اوله راق سیلنگن آلکسیس چیپراس نینگ تراکیالیک چیقگن لیگی نی معلوم قیلماقده.
خبرده, اوشبو موفقیتی بیلن دنیا اولکه لری نینگ دقتی نی اوزی گه قره تگن ۴۰ یاشیده گی اوشبو چپ گرا رهبر نینگ, ترکیه نینگ قیرقلر ایلی ولایتی گه باغلیق بابا ایسکی منطقه سیدن کوچ قیلگن بیر عایله نینگ نبیره سی دن عبارت ایکن لیگی گه دقت قره تیلماقده.
خبرده, چیپراس نینگ, میلادی ۲۰۱۰ نچی ییلی سپتامبر آیی نینگ ۲۴ نچی کونیده ترکیه نینگ ایدیرنه ولایتی گه کیلگن پیت ده, بابا ایسکی دن کوچ قیلگن بیر عایله نینگ نبیره سی ایکن لیگی نی بیلدیرگن لیگی ایسله تیلماقده.
خبرترک روزنامه سی, ترکیه جمهوریتی ترانسپورت, تینگیز چیلیک و مخابرات وزیری لطفی الوان نینگ, جاری ییل ده ترکیه بیلن بلغاریا نی بیر بیر لری بیلن ارتباط بیره دیگن تمیر یولی پروژه سی نی تطبیق ایتیش گه حرکت ایتیتگن لیک لری نی بیلدیرگن لیگی نی معلوم قیلماقده.
صباح روزنامه سی, ترک سینما صنعتچیسی ییلماز اردوغان نینگ, "سونگگی امید" نامیده گی فلم ده اوینه گن رولی بیلن آسترالیا نینگ اینگ مهم سینما ساورینی دن عبارت AACTA نی کسب ایتیش گه موفق بولگن لیگی نی بیلدیرماقده.