ترکیه مطبوعاتی دن خلاصه لر ۰۸.۰۴.۱۳۹۳

حریت روزنامه سی, دنیا پطرول کنگره سی اوچون مسکو گه سفر قیلگن ترکیه جمهوریتی انرژی و طبعی منبع لر وزیری تانر ییلدیز نینگ مسکو ده بیرگن بیانات لری ده, ترکیه جهتی دن نوامبر بیلن فبروری آی لری آره سیده گی مدت نینگ اوته مهم بیر دور دن عبارت ایکن لیگی نی بلدررایکن, روسیه بیلن بولگن طبعی گاز کیلیشوی نینگ میلادی ۲۰۱۵ نچی ییلی جنوری آیی ده نرخ لرنینگ اوزگرتریلیشی اوچون زمینه یره تیب بیره دیگن لیگی نی بلدرگن لیگی نی قید ایتماقده.
خبرده, ییلدیز نینگ ترکیه نینگ اوشبو فرصت دن فایده له نه دیگن لیگی نی ایسله تیب اوتگن لیگی قید ایتیلماقده.
روزنامه, ماوی آقیم دن ۳ میلیارد متر مکعب لیک ینه ده کوپراق گاز طلب ایتیلگن لیگی نی بلدرگن ییلدیز نینگ, "تخنیکی جهت دن ایریم تدبیر لر آلماقده لر. بیر یریم ییل دن آلدین بولیشی ممکن ایمس. میلادی ۲۰۱۶ نچی ییلی نینگ ایلک کون لری ده ینه ۳ میلیارد متر مکعب قوشیمچه طبعی گاز آلینه دی" دییه قید ایتگن لیگی نی ایسلتماقده.
ستار روزنامه سی, بیرلشگن ملت لر تشکیلاتی انسان حق لری کینگشی نینگ, بیر نفر ترک دن عبارت باشقورت تونجاق نی, آرا اتفاقی بیلن خطرلیک ماده لر نینگ یوق ایتیلیشی بوییچه خاص راپور تیارلاوچی اوله راق تعین ایتگن لیگی نی معلوم قلماقده.
خبرده, تونجاق نینگ, میلادی ۲۰۰۳ نچی و ۲۰۰۹ نچی ییل لری آره سیده عیال لر گه قرشی خشونت بوییچه خاص راپور تیارلاوچی سی بولیب وظیفه اجرا ایتگن پروفیسر داکتر یقین ار ترک و می آیی ده غذا حق لری خاص راپور تیارلاوچی سی وظیفه سی نی اجرا ایتگن پروفیسر داکتر خلیل ایلویر آرتیدن بیرلشگن ملت لر تشکیلاتی ده بوندای بیر وظیفه گه ایگه بولگن اوچینچی ترک دن عبارت بولگن لیگی قید ایتیلماقده.
صباح روزنامه سی, ترکیه جمهوریتی ایکینچی لیک وزیرلیگی نینگ ترکیه ده گی دهقان لر گه میلادی ۲۰۱۴ نچی ییلی پروژه لری دایره سیده ۸۲۸ میلیون ترک لیره سی مادی امکانیت تامین ایتیب بیره دیگن لیگی نی بلدرماقده.
خبرده, اوشبو وزیرلیک تمانیدن بیریلگن بیانات ده, مذکور مادی یاردم نینگ یاغلیق تخم گه ایگه اوسیم لیک لر, جواری و حبوبات سنگری محصولات بوییچه ایش آلیب باره دیگن دهقان لر گه تامین ایتیلیب بیریله دیگن لیگی نینگ بلدریلگن لیگی ایسله تیلماقده.
خبرترک روزنامه سی, ترکیه نینگ ریزه ولایتی ده ایلک مراتبه تجربوی شکل ده ایکیلگن و شکر دن ۳۰۰ قوات شیرین راق بولیشی گه قره مسدن, هیچ کالوری سی بولمه گن ستیویا نامی ده گی بیر محصولات نینگ ایلک حاصلی نی بیرگن لیگی نی یازماقده.