ترکیه مطبوعاتی دن خلاصه لر ۰۳.۰۴.۱۳۹۳

خبرترک روزنامه سی, بیرلشگن ملت لر تشکیلاتی نینگ دنیا مهاجر لر کونی مناسبتی بیلن ترقتگن راپوری ده سوریه لیک مهاجر لرنینگ وضعیتی نینگ جوده یمان ایکن لیگی نینگ کورینگن لیگی نی ایسلتماقده.
روزنامه, اوشبو راپورده, ترکیه, اردون, عراق و مصر ده ۴ میلیون نفر سوریه لیک مهاجر نینگ موجود ایکن لیگی نینگ بلدریلگن لیگی نی معلوم قلماقده.
ترکیه ده ۹۴۵ مینگ دن آرتیغراق سوریه لیک مهاجر نینگ موجود ایکن لیگی نی بلدرگن روزنامه, اوشبو کیشی لرنینگ ۲۷ فایزی نینگ پاسپورت یاکه اسنادی نینگ موجود ایمس لیگی گه دقت قره تماقده.
ینی شفق روزنامه سی, ۵ کون دن بیری دوام ایتیب کیلیتگن ققشتگیچ یامغور لر و طوفان نینگ چین ده جدی خساره لر گه سبب بولگن لیگی نی قید ایتماقده.
روزنامه, سیل سببلی اونلب کیشی نینگ جان بیرگن لیگی نی بلدررایکن, یوز مینگ لب نفر نینگ ایسه اوی لری دن چیقاریلگن لیک لری نی معلوم قلماقده.
ینی شفق روزنامه سی بیرگن باشقه بیر خبری ده, ترکیه نینگ بارباروس تینگیز کوچی نینگ, ۱۰۲ کون لیک افریقا سفری آرتیدن ترکیه گه قیتیب کیلیش اوچون سُوَیس کانالی دن اوتگن لیگی نی یازماقده.
خبرده, اوشبو تینگیز کوچی نینگ ۲۴ اولکه و ۲۵ بندر نی باریب کورگن لیگی گه دقت قره تیلماقده.
عینی دمده اوشبو تینگیز کوچی نینگ جون آیی نینگ ۲۷ نچی کونیده گولجوک تینگیز قوماندان لیگی ده خاص بیر مراسم بیلن کوتیب آلینه دیگن لیگی بلدریلماقده.
ستار روزنامه سی, استانبول ده گی سبحه گوکچن خلق ارا قونلغه سی گه میلادی ۲۰۱۴ نچی ییلی نینگ اینگ کوپ یولاوچیسی نینگ کیلگن لیگی نی بلدرماقده.
روزنامه, جون آیی نینگ ۲۲ نچی کونیده اوشبو قونلغه گه کیلیب کیتگن یولاوچی لرنینگ سانی نینگ ۸۰ مینگ ۸۱۷ نفر گه کوتریلیب کیتگن لیگی نی معلوم قلماقده.
صباح روزنامه سی, ترکیه جمهوریتی پطرول ایش لری عمومی رئیسی سلامی اینجه دالجی نینگ, قایا گازی و پطرولی قدریش ایش لری بیلن علاقه لی امریکا قوشمه ایالت لری, اوروپا و کانادا لیک سرمایه گذارلر نینگ قیزیقیتگن لیگی نی بلدرگن لیگی نی قید ایتماقده.
روزنامه, شَل شرکتی نینگ حاضرگی کونده هم ترکیه نینگ دیاربکر ولایتی ده قایا گازی بیلن علاقه لی اوز فعالیت لری نی دوام ایتتریتگن لیگی نی ایسلتماقده.
وطن روزنامه سی, ۱۲ اولکه ده ۶ مینگ کیشی نینگ اشتراکی بیلن بولیب اوتگن بیر تحقیقات نتیجه سیده انسان لرنینگ اینگ کوپ قورقیتگن کسل لیک نینگ سرطان دن عبارت ایکن لیگی نینگ کورینگن لیگی نی قید ایتماقده.
خبرده, اوشبو تحقیقات نتیجه سیده آلزایمر کسل لیگی نینگ ایککینچی اورین نی ایگلله گن لیگی قید ایتیلماقده.