ترکیه مطبوعاتی دن خلاصه لر ۲۷.۰۳.۱۳۹۳

ینی شفق روزنامه سی, ترکیه گه تشریف بیورگن ناتو عمومی سکرتری اندرس فوگ رسموسس نینگ ترکیه جمهوریتی جمهوررئیسی عبدالله گل تمانیدن قبول ایتیلگن لیگی نی بلدرماقده.
روزنامه, اوشبو اوچره شو جریانی ده جمهوررئیسی گل نینگ, وظیفه سی کوز آی لری ده اداغگه ییته دیگن رسموسسن گه وظیفه سی جریانی ده قیلگن خدمت لری اوچون منتدار چیلیک بلدرگن لیگی گه دقت قره تماقده.
خبرده, رسموسسن نینگ, سپتامبر آیی ده بولیب اوته دیگن ناتو رهبر لر ییغیلیشی جریانی ده قیسی موضوع لر خصوصیده بحث ایتیله دیگن لیگی باره سیده جمهوررئیسی گل گه معلومات بیرگن لیگی گه دقت قره تیلماقده.
عینی دمده اوشبو اوچره شو جریانی ده عراق, اوکرائین و افغانستان ده گی وضعیت سنگری موضوع لر باره سیده بحث ایتیلگن لیگی هم قید ایتیلگن خبرده, رسموسسن نینگ, کیین چه لیک ترکیه جمهوریتی باش وزیری رجب طیب اردوغان تمانیدن قبول ایتیلگن لیگی قید ایتیلماقده.
روزنامه, اوشبو اوچره شو جریانی ده ترکیه نینگ افغانستان ده آیساف دایره سیده آلیب باریتگن فعالیت لری و اوکرائین ده گی ینگی لیک لر باره سیده بحث ایتیلگن لیگی نی بلدرماقده.
ستار روزنامه سی, ترکیه جمهوریتی باش وزیری رجب طیب اردوغان تمانیدن دنیا نینگ اینگ کتته قونلغه سی نینگ تهدابی نینگ قویلیشی آرتیدن ینه بیر پروژه نینگ مطرح ایتیلگن لیگی نی معلوم قلماقده.
خبرده, قونلغه تیگره گی ده ۳ نچی کوپریک و کانال استانبول بیلن علاقه لی فعالیت لر آرتیدن دنیا نینگ اینگ کتته بندری شهری نینگ قوریله دیگن لیگی گه دقت قره تیلماقده.
آقشام روزنامه سی, ترک هوا یول لری نینگ امریکا لیک شرکت دن عبارت بوینگ دن طیاره آلیش بوییچه جدی بیر قدم تشله گن لیگی نی یازماقده.
خبرده, ترک هوا یول لری نینگ آله دیگن ۱۵ فروند طیاره نینگ قیمتی نینگ ۱,۶ میلیارد دالر دن عبارت بوله دیگن لیگی ایسله تیلماقده.
روزنامه, اوتگن هفته ده ترک هوا یول لری تمانیدن بیریلگن بیانات ده, اوشبو طیاره لرنینگ ۲۰۲۰ نچی ییلی ده تاپشیریله دیگن لیگی نینگ بلدریلگن لیگی نی معلوم قلماقده.
خبرترک روزنامه سی, توناون باشلب کیتگن و جون آیی نینگ ۲۵ نچی کونی گه قدر دوام ایته دیگن و ۱۰۰۰ نچی دنیا میراثی نینگ انیق لشتریله دیگن یونسکو نینگ دوحه ده گی ۳۸ نچی ییغیلیشی جریانی ده, ترکیه دن هم بورسا و جمعه علی قیزیق بیلن برگاما باره سیده بحث ایتیله دیگن لیگی نی قید ایتماقده.