آنتالیا توریزم بوییچه رکورد اورنتدی

تورکیه نینگ آنتالیا شهری, جاری ییل نینگ دستلبکی ایکّی آییده کیلگن چیت ایللیک توریست سانی جهتی دن رکورد اورنتدی. 

تورکیه جمهوریتی مدنیت و توریزم وزیرلیگی تامانیدن بیریلگن معلوماتگه کوره, جنوری بیلن فبروری آی لریده اوشبو شهر گه کیلگن چیت ایللیک توریست سانی 10,82 فایز گه آشیب 499 مینگ 784 نفر گه ییتدی. 

آنتالیا گه فبروری آییده اینگ کوپ (58 مینگ 228 کیشی) آلمان دن توریست کیلدی. 

روسیه بیلن انگلستان ایسه 48 مینگ 937 و 37 مینگ 454 توریست بیلن اوشبو توغریده ایکّینچی و اوچینچی اورین نی ایگلله دی. 

انگلستان آرتیدن ایسه, آنتالیا گه پولند, هالند, قزاقستان, اوکراین, دنمارک, اطریش و بلجیم دن اینگ کوپ توریست کیلدی. 

ایکّی آیلیک معلومات لرده ایسه روسیه نینگ (106 مینگ 304 توریست) بیرینچی, آلمان نینگ (97 مینگ 655 توریست) ایکّینچی و انگلستان نینگ (55 مینگ 384 توریست) اوچینچی اوریننی ایگلله گن لیگی بیلدیریلدی.