تورکیه یونسکو اجرائیه کینگشی اعضالیگی گه سیلندی

تورکیه, 2021- 2025 دوری اوچون قیته دن بیرلشگن ملتلر تشکیلاتی تعلیم, بیلیم و فرهنگ تشکیلاتی (یونسکو) نینگ اجرائیه کینگشی اعضالیگی گه سیلندی. 

تورکیه جمهوریتی تشقی ایش لر وزیرلیگی تامانیدن بیریلگن بیاناتده, توناون یونسکو نینگ 41- عمومی کنفرانسی دایره سیده سیلاو بولیب اوتگن لیگی بیلدیریلدی. 

عینی دمده بیاناتده, اوشبو سیلاو دایره سیده 2017-2021 دوریده یونسکو اجرائیه کینگشی اعضاسی بولگن تورکیه نینگ 2021- 2025 دوری اوچون هم اوشبو کینگش اعضالیگی گه سیلنگن لیگی معلوم قیلیندی. 

تورکیه نینگ, یونسکو نینگ برچه هدف لری نی قبول قیلگن لیگی و اوشبو تشکیلات نی قوللب- قوتلب کیلیاتگن لیگی بیلدیریلگن بیاناتده, "(تورکیه) اجرائیه کینگشی اعضاسی صفتیده, یونسکو نینگ فعالیت و ارزشی نینگ کوچه یتیریلیشی بوییچه حصه قوشیش گه دوام ایته دی" دییه قید ایتیلدی. 

بیاناتده, تورکیه نینگ آلدینگی دورده گی مثبت فعالیت لری نتیجه سیده ینه بیر بار اوشبو کینگش اعضالیگی گه سیلنگن لیگی بیلدیریلدی. 

یونسکو اجرائیه کینگشی نینگ 58 اعضاسی موجود. اوشبو کینگش ییلده ایککی مرته ییغیلیش اوتکزماقده.