پاکستان لیک لرنینگ هندستان نینگ بالیود فلم شرکت لریگه ایش قیلیش لری منع ایتیلدی

پاکستان لیک لرنینگ هندستان نینگ بالیود فلم شرکت لریگه ایش قیلیش لری منع ایتیلدی

هندستان نینگ تایمز روزنامه سی هند فلم شرکتلر اویوشمه سی IMPPA نینگ پاکستان لیک صنعتکار، تخنیک و ایریم ملازیملرنینگ بالیوودده ایش قیلیش لرینی منع قیلیب قویگن لیگینی خبری بیرماقده. روزنامه نینگ خبریگه کوره IMPPA باشلیغی تی پی اگروال مذکور قرار نهائی بولگن پروژه لرگه تأثیر قالدیرمه یدی. بیراق دایرکترلردن ینگی پروژه لر اوچون صنعتکارلرنی تغییر بیریش لرینی سوره ی میز دیب ایتگن.

بالیوود بولگن ماهاراشترا ایالتیده فعالیت آلیب باره یاتگن ماهاراشترا ملیتچی حزبی برچه پاکستان لیکلرنینگ اوز اولکه لریگه کیتیش لرینی سوره گن.

 IMPPA قراری نینگ آرتیدن پاکستان لیک صنعتکارلر اورین آلگن بعضی بیر فلملر نمایشدن کوتریلگن. بو فلم لر اره سیده هندستان کوپ علاقه مندی بولگن پاکستان لیک ماهره خان نینگ "ریس" آتیده گی سونگی فلمی هم موجود. مذکور فلم میلادی 2017 نچی ییل نینگ جنوری اییده نمایش گه قوییلرلیگی کوتیلماقده ایکن، فلم نینگ ترقتیش پروسه سی توخته تیلگن لیگی بیلدیریلدی.

پاکستانده اینیقسه لاهور، کراچی و پایتخت اسلام آبادده گی بعضی بیر سینمالرنینگ ایگه لری هند فلم لری نینگ نمایشینی توخته تیب قویگن ایدی.

هندستان بیلن پاکستان آره سیده حرب گه باعث بولگن کشمیرده جولای آی نینگ باشیده هندستان خوفسیزلیک کوچلری بیلن حزب المجاهدین آره سیده یوز بیرگن توقنه شوو مذکور گروه نینگ یوکسک مرتبه لی اعضالریدن برهان وانی نینگ اولدیریلگن لیگی بحرانی قیته دن تازه قیلیب قویگن ایدی.

هندستان وانی نینگ اولدیریلیشی نینگ آرتیدن یوز بیرگن مظاهره حادثه لرینی برطرف ایتیش اوچون تورلی خوفسیزلیک تدبیرلری آلیب، جامو کشمیرده انچه شهر و قشلاقده فوق العاده وضعیت و کوچه چیقیش نی منع قیلیب قویگن ایدی.

بحران کشمیرده گی آزادیخواه طرفدارلری تامانیدن 18 نچی سپتمبرده هندستان نینگ یوری نظامی مرکزیگه اویوشتیریلگن هجوم بیلن کوپراق بولیب کیتگن ایدی.

هندستان حادثه ده اولگن 17 عسکری اوچون مسؤلیت نی پاکستان نینگ اوستیگه تشلب قوشنی سینی عیبله ماقده.      

پاکستان اوشبو ادعانی رد ایتیب، توجه نی کشمیرده یوز بیرگن حادثه دن باشقه تامان آلیب بارماقچی ایکن لیگی بیلن عیبله ماقده.