تورکیه هرات ولایتیده زلزله دن تاثیرلنگن کیشی لرگه یاردم ییتکزیب بیردی

تورکیه جمهوریتی آفت و عاجل وضعیت لر باشقروی باشقرمه سی تیم لری, هرات ولایتیده زلزله دن تاثیرلنگن کیشی لرگه خیمه, کمپل و غذایی مواد دن تشکیل تاپگن یاردم ییتکزیب بیردی. 

زلزله آرتیدن اوشبو باشقرمه نینگ تیمی و بشری یاردم لرنی تشووچی ایکّی اوچاق هرات ولایتی گه باریب قوندی. 

آفت و عاجل وضعیت لر باشقرمه سی نینگ ملکی مدافعه اداره سی باشلیغی بکر شن, زلزله خبری نی آلگچ 5 نفری ساغلیق پرسونلی دن عبارت توپلم 27 کیشی لیک اوشبو باشقرمه نینگ تیمی نینگ حادثه محلی گه ییتیب بارگن لیگینی بیلدیردی. 

برچه قیشلاق لرده یوریب ضرورت لر نی انیقله گن لیک لرینی بیلدیرگن شن, "اینیقسه اجتماعی, بشری و ساغلیق نی سقلش یاردمی بوییچه فعالیت لرگه باشله دیک.  عینی دمده ینه خیمه, غذایی مواد و کمپل طلب ایتدیک.  ایکّینچی اوچاغی میز نینگ هم زودلیک بیلن کیلیشی نی تامین ایتدیک" دییه قید ایتدی. 

طبی مواد یاردمی نی افغانستان ساغلیق نی سقلش وزیرلیگی گه تاپشیرگن لیک لرینی بیلدیرگن شن, کیین آفت و عاجل وضعیت لر باشقرمه سی تیمی نینگ عملاً قیشلاق لرگه باریب, ساغلیق جهتی دن تیکشیرو لر اوتکزگن لیگی, قیش شرایطی گه چیدملی 250 خیمه قورگن لیک لری, 250 کارتن غذایی مواد و 1500 کمپل ترقه تگن لیک لرینی ایسله تیب اوتدی. 

آفت و عاجل وضعیت لر باشقرمه سی دن تشقری, تورکیه دیانت وقفی, تورک همکارلیک و کوردیناسیون آژانسی باشقرمه سی و تورکیه جمهوریتی قیزیل یریم جمعیتی نینگ هم منطقه گه قره تیلگن یاردم فعالیت لری دوام ایتماقده. 

هرات ولایتیده 7- اوکتوبر کونی یوز بیرگن بیر نیچه زلزله عاقبتیده مینگلب کیشی حیاتینی یوقاتدی و یره لندی.