جوزجان ده بیر مکتب نینگ ایچی گه قول بمبی آتیلدی

افغانستان نینگ شمالیده جایلشگن جوزجان ولایتی نینگ قوش تیپه تومنیده بیر مکتب نینگ ایچی گه قول بمبی آتیلیشی عاقبتیده ایککی ته اوقیووچی حیاتینی یوقاتدی.

جوزجان امنیه قومندانلیگی سوزچیسی عبدالستار حلیمی مطبوعاتگه بیرگن بیاناتده قوش تیپه تومنیده گی مکتب نینگ ایچی گه کیملیگی نامعلوم کیشیلر تامانیدن قول بمبی آتیلگن لیگینی بیلدیردی.

حلیمی خوددی شو هجوم عاقبتیده ایککی ته اوقیووچی نینگ حیاتینی یوقاتگن لیگینی 4 ته اوقیووچی نینگ یره لنگن لیگینی افاده ایتدی.   

شاهدلر اوشبو هجوم نینگ قیز باله لر تعلیم آله یاتگن ایلک مکتب گه اویوشتیریلگن لیگینی ادعا ایتدی.

هجوم نینگ مسؤلیتینی حلی گچه هیچ کیم بوینی گه آلگن یوق.