افغانستان نینگ غربیده یوز بیرگن ییر قیمیرلش حادثه سیده اونلب کیشی حیاتینی یوقاتدی

افغانستان نینگ غربیده یوز بیرگن 5،3 رشتر ییر قیمیرلش حادثه سی عاقبتیده 22 کیشی حیاتینی یوقاتدی.  

امریکا قوشمه ایالتلری جیولوجیک تیکشیروو مرکزی تامانیدن بیریلگن بیاناتده ییر قیمیرلش نینگ مرکزی نینگ بادغیس ولایتی نینگ مرکزی قلعه نو شهری نینگ 41 کیلو متر شرقیده ایکن لیگینی معلوم قیلیندی. بو 5،3 رشتر ییر قیمیرلش حادثه سی نینگ ییرنینگ 18،8 کیلومتر چوقورلیکده یوز بیرگن لیگی بیلدیریلدی.

محلی ییتکچیلر، بادغیس ولایتی نینگ قادس تومنیده یوز بیرگن ییر قیمیرلش حادثه سی عاقبتیده ایچلریده باله لر هم بولمیش 22 کیشی نینگ حیاتینی یوقاتگن لیگینی معلوم قیلدی.

خوددی شو حادثه ده 4 کیشی نینگ یره لنگن لیگی قید ایتیلگن بیاناتده قیدیروو قوتقروو فعالیتلری نینگ دوام ایتیب تورگن لیگینی و تلفات سانی نینگ کوپه ییشیدن خواطرده ایکن لیکلرینی افاده ایتدی.

شونده ی بولیب بادغیس نینگ مقور تومنیده هم بعضی بیر اوی – جای نینگ ییقیلیب کیتگن لیگی و بیر قطار کیشی نینگ یره لنگن لیگی قید ایتیلدی.

اوشبو ییرقیمیرلش اولکه نینگ غربیده جایلشگن هرات و فراه ولایتلریده هم حس ایتیلگن لیگی معلوم قیلیندی.