بیرلشگن ملتلر تشکیلاتی افغانستان گه یاردم ییتکیزیب بیردی

بیرلشگن ملتلر تشکیلاتی افغانستان نینگ غربیده جایلشگن بادغیس ولایتیده توناون کونی یوز بیرگن ییر قیمیرلش حادثه سی نینگ آرتیدن ضررنی تثبتلش و انسانی یاردم ییتکیزیش اوچون منطقه گه بیر تیم جونه تدی.

بیرلشگن ملتلر تشکیلاتی نینگ سویس نینگ ژنو شهریده جایلشگن دفتریده مطبوعاتی کنفرانسده سوز یوروتگن بیرلشگن ملتلر تشکیلاتی انسانی ایشلر باشقرمه سی سوزچیسی ینس لاایرکه بادغیس ده یوز بیرگن 5،3 رشتر ییر قیمیرلش نینگ آرتیدن وضعیت حقیده معلومات بیردی.

دستلبکی معلوماتگه کوره 26 کیشی نینگ جان بیرگن لیگینی 4 کیشی نینگ یره لنگن لیگینی و یوزلب اوی – جای گه زیان ییتگن لیگینی قید ایتگن لاایرکه ییر قیمیرلش حادثه سیدن آلدین باشله گن یاغینگرچیلیک نینگ منطقه ده گی خام اوی – جایلرنینگ زلزله گه قرشی کوچسیزلشتیرگن لیگینی ایتدی.

لاایرکه "اوی – جایی ییقیلگن ویا زیان کورگن انسانلر قرینداشلری ویا قوشنیلریگه سیغیشگن وضعیتده. منطقه دن کیلگن خبرلرگه کوره آفتدن تاثیرلنگن ییمک، باش پناه و ایسیتیش یاردملریگه ضرورتی بار" دیدی.

بیرلشگن ملتلر تشکیلاتی گه باغلیق تیم قاله ویرسه ایریم موسسه لرنینگ هم منطقه گه بارگن لیگینی معلوم قیلگن لاایرکه آفتدن تاثیرلنگنلرنینگ بیر قسمی گه ییمک، سوو، تمیزلیک و ساغلیک تجهیزاتی جونتگن لیکلرینی خبر بیردی.