غنی کابل نینگ ویران بولیشی گه توسیق بولیش اوچون قاچیب کیتگن لیگینی ادعا ایتدی

طالبان نینگ افغانستان باشقرووینی قولگه کیریتیب آلیشی بیلن اولکه نی ترک ایتیب بیرلشگن عرب امیرلیکلریگه باریب باش پناه تاپگن سابق جمهور باشلیغی اشرف غنی، اولکه دن "کابل نینگ ویران بولیشی گه توسیق بولیش اوچون" قاچیب کیتگن لیگینی ادعا ایتدی.

اوزاق مدت کیین بیانات بیرگن اشرف غنی بی بی سی گه بیرگن بیاناتده طالبان کابل نی قولگه کیریتیب آلگن 15 آگست کونی اویقیدن اویغنگنده بونینگ افغانستانده سونگگی کونی ایکن لیگینی کوتمه گن لیگینی ایتدی.

غنی اوچاق کابلدن اوچگنده اولکه نی ترک ایتگنینی توشونگنینی ایتدی.

طالبان نینگ اولاً کابل گه کیرماقچی بولمه گن لیگینی بیراق ایککی ساعت کیین وضعیت نینگ اوزگریب کیتگن لیگینی قید ایتدی.

غنی "طالبان ایککی جبهه لی ایککی تاماندن یقین کیلماقده ایدی. شونده ی بولیب 5 میلیونلیک کابل نی یوق قیلیب تشله یه دیگن و انسانلرگه جدی درجه ده زیان ییته دیگن کتته توقنه شوو احتمالی بار ایدی" دیب ایتدی.

غنی ملی خوفسیزلیک مصلحتچیسی نینگ و تورموش اورتاغی نینگ کابل نی ترک ایتیب کیتیشی گه رخصت بیرگندن کیین بیر موترنینگ اوزینی مدافعه وزیرلیگی گه آلیب باریشینی کوتگن لیگینی بیراق موترنینگ کیلمه گن لیگینی ادعا ایتدی.

شونده ی بولیب تشویش گه قالگن جمهور رئیسلیک خوفسیزلیک باشلیغی نینگ برچه سینی اولدیریش اوچون کیلگن لیگینی قید ایتگن غنی شونقه دوام ایتدی:

"مین گه 2 دقیقه دن آرتیق فرصت بیرمه دی. بویروقلریمی خوست ولایتی گه کیتیش اوچون تیارگرلیک کوریس ایدی. مینگه خوست نینگ قولدن توشگن لیگینی و جلال آبادنینگ هم قولدن توشگن لیگینی ایتدی. قه ییرگه کیتیش نی بیمه دیم. فقط اوچگندن کیین (افغانستان) دن ایریلیشیمیز انیقلندی. بو حقیقتاً آنی بولدی" دیدی.

اشرف غنی اولکه نی ترک ایتگونچه انچه پول آلیب کیتگن لیگی بیلن تیگیشلی عیبلاولرنی رد ایتدی.    

غنی "خلق ارا همجمعیت نینگ صبر- طاقتی نینگ دوام ایته دی دیب حسابلسک" بعضی بیر خطالر یوز بیرگن لیگینی تن آلیب خلق ارا اورتاقلیک که ایشانیش کبی کابل نینگ قولدن کیتیشی گه سبب بولگن بعضی بیر نرسه لر اوچون عیبلاونی بوینی گه آلیش گه راضی ایکن لیگینی تیلگه آلدی.

غنی "قدریتلریم ایاقلر آستی گه آلیندی. گناهکار قیلیندیم" دیب افاده ایتدی.