طالبان باشقرووی مینگلب اعضاسینی ایشدن بوشه دی
طالبان باشقرووی 1895 ته اعضاسینی ایشدن بوشه دی
طالبان اوتیش دوری حکومتی سوزچیسی اورینباسری انعام الله سمنگانی اجتماعی ترماق آرقه لی بیرگن بیاناتده طالبان نینگ آتی و صلاحیتینی سوئ استعمال قیلگن اعضالرینی ایشدن بوشه تیش جریانی نینگ دوام ایتیب تورگن لیگینی ایتدی.
حلی گچه توپلم 1895 ته طالبان اعضاسی نینگ ایشدن بوشه تیلگن لیگینی تاکییدله گن سمنگانی ایشدن بوشه تیلگنلر ایچیده ولایتلرده گی بعضی بیر طالبان ییتکچیلری نینگ هم بارلیگینی بیلدیردی.
ایشدن بوشه تیلگن طالبان اعضالری نینگ بعضی بیرته سی نینگ قولگه آلینگن لیگینی معلوم قیلیب شونینگدیک بعضی لری نینگ سوراق قیلینماقده ایکن لیگینی قید ایتدی.
طالبان باشقرووی افغانستانده اوتیش حکومتی وقریشی نینگ آرتیدن اوز ایچیده گیلرنی تمیزلش توغریسیده کمیسیون قوریب فعالیت گه باشله گن لیکلرینی بیلدیرگندی.
کمیسیون نینگ ایشی نینگ طالبان نینگ آتیدن سوئ استعمال قیلگنلرنی چیقریب جزا بیریش ایکن لیگینی معلوم قیلگندی.
طالبان ییتکچیسی ملا هبت الله آخندزاده 4 نوامبر کونی بیرگن بیاناتده طالبان گروهی نینگ ایچی گه کیریش خطری بوییچه طالبان قومندانلرینی آگاهلنتیرگندی.
